Kitabu Mir Ang’wende Pa Musa Wel 33 - The Holy Bible In Alur (Lur) Revised Orthography

Woth mi Juisraeli

¹ Maeni woth mi nyithindho mir Israel, kinde ma giai i ng’om Misiri ku bang’ udul migi ku bang’ udul migi the cing’ Musa giku Harun.

² E Musa goro ai migi calku woth migi ni kum lembang’ola pa Yehova: man maeni woth migi calku ai migi.

³ E giwotho ugambre Rameses i dwi ma kwong’ane, i ceng’ apar wi abije mi dwi ma kwong’ane; urwone yo ng’ei kadhukuwijo nyithindho mir Israel uai ku cing’ ma tek i wang’ Jumisiri ceke,

⁴ kinde ma Jumisiri beyiko kayu migi ceke, ma Yehova goyo i kindgi: Yehova poko lembe wi mungu migi bende.

⁵ E nyithindho mir Israel uwotho ugambre Rameses, man gigonjo Sukoth.

⁶ E giwotho ugambre Sukoth, man gigonjo Etham, ma ni dhu langa.

⁷ Man giwotho ugambre Etham, man gilokri cen ba Pihahiroth, ma ni i wang’ Bal-zefon: e gigonjo i wang’ Migdol.

⁸ E giwotho ugambre i wang’ Hahiroth, e gikadhu kud i die nam i langa: man gimondo woth mi ceng’ adek i langa mir Etham, e gigonjo i Mara.

⁹ E giwotho ugambre Mara, man gibino Elim: man kulo mi pi apar wi ario ni i Elim, ku thith pier abiro; e gigonjo keca.

¹⁰ Man giwotho ugambre Elim, man gigonjo ba Nam Makwar.

¹¹ E giwotho ugambre Nam Makwar, man gigonjo i langa mi Sin.

¹² Man giwotho ugambre i langa mi Sin, e gigonjo i Dofka.

¹³ E giwotho ugambre Dofka, man gigonjo i Aluc.

¹⁴ E giwotho ugambre Aluc, man gigonjo i Refidim, ka ma pi mbe i ie ma dhanu madhi.

¹⁵ E giwotho ugambre Refidim, man gigonjo i langa mi Sinai.

¹⁶ E giwotho ugambre i langa mi Sinai, man gigonjo i Kibroth-hatava.

¹⁷ E giwotho ugambre Kibroth-hatava, man gigonjo i Hazeroth.

¹⁸ E giwotho ugambre Hazeroth, man gigonjo i Rithma.

¹⁹ E giwotho ugambre Rithma, man gigonjo i Rimon-perez.

²⁰ E giwotho ugambre Rimon-perez, man gigonjo i Libna.

²¹ E giwotho ugambre Libna, man gigonjo i Risa.

²² E giwotho ugambre Risa, man gigonjo Kehelatha.

²³ E giwotho ugambre Kehelatha, man gigonjo wi got Cefer.

²⁴ E giwotho ugambre wi got Cefer, man gigonjo i Harada.

²⁵ E giwotho ugambre Harada, man gigonjo i Makheloth.

²⁶ E giwotho ugambre Makheloth, man gigonjo Tahath.

²⁷ Man giwotho ugambre Tahath, e gigonjo i Tera.

²⁸ Man giwotho ugambre Tera, e gigonjo i Mithka.

²⁹ E giwotho ugambre i Mithka, man gigonjo i Hacmona.

³⁰ E giwotho ugambre i Hacmona, man gigonjo i Moseroth.

³¹ E giwotho ugambre Moseroth, man gigonjo i Bene-yakan.

³² E giwotho ugambre Bene-yakan, man gigonjo i Horhagigad.

³³ E giwotho ugambre Horhagigad, man gigonjo i Yothbatha.

³⁴ E giwotho ugambre i Yothbatha, man gigonjo i Abrona.

³⁵ E giwotho ugambre Abrona, man gigonjo i Ezion-geber.

³⁶ E giwotho ugambre Ezion-geber, man gigonjo i langa mi Zin (ma en e Kadec).

³⁷ E giwotho ugambre Kadec, man gigonjo wi got Hor, i dhu ng’om mir Edom.

³⁸ Man Harun ma jalam uidho malu wi got Hor ni kum lembang’ola pa Yehova, e etho kuca, i rundi pier ang’wende yo ng’ei ai ma nyithindho mir Israel uai ko kud i Misiri, i dwi mir abije, i ceng’ ma kwong’ane mi dwije.

³⁹ Nwang’u rundi pa Harun dak acel ku pier ario wi adek kinde m’etho wi got Hor.

⁴⁰ Man Jakanani, m’ubimo mir Arad, m’ubedo yor ariwa ma piny i ng’om Kanan uwinjo pi bino mi nyithindho mir Israel.

⁴¹ E giwotho ugambre kum got Hor, man gigonjo i Zalmona.

⁴² E giwotho ugambre Zalmona, man gigonjo Punon.

⁴³ E giwotho ugambre Punon, man gigonjo i Oboth.

⁴⁴ E giwotho ugambre Oboth, man gigonjo i Ieabarim, i kieu mi Moab.

⁴⁵ E giwotho ugambre i Iyim, man gigonjo i Dibon-gad.

⁴⁶ E giwotho ugambre Dibon-gad, man gigonjo i Almon-diblathaim.

⁴⁷ E giwotho ugambre Almon-diblathaim, man gigonjo i gudi mir Abarim, i wang’ Nebo.

⁴⁸ E giwotho ugambre kum gudi mir Abarim, man gigonjo i pambu mi Moab dhu Yordan, ba Yeriko.

⁴⁹ E gigonjo dhu Yordan, ugambre Beth-yecimoth cil kum Abekitim i pambu mi Moab.

Pok mi Ng’om Kanan ku Kieune

⁵⁰ E Yehova yero ni Musa i pambu mi Moab dhu Yordan ba Yeriko, ewacu kumae,

⁵¹ Yer ni nyithindho mir Israel, man iwac igi kumae, Kinde ma wukadhu loka Yordan i ng’om mi Kanan,

⁵² wubilund riemo dhanu m’i ng’ombe ceke woko kud i weng’wu, man wubinyotho kidi migi ceke m’ang’ika, man wubinyotho ayi m’acwia migi ceke m’atwaga, man wubinyotho ka ma malu migi ceke:

⁵³ e wubimwonyo ng’ombe, man wubibedo i ie: kum amio ng’ombe iwu kara wumwonye.

⁵⁴ E wubigamu ng’ombe ku gagi calku wat mu; ni ju ma dupa wubimio aba m’usagu, man ni ju ma nok wubimio aba ma nok: ka ma tek gagi podho i ie ni ng’atu moko, e maeno bibedo pare; calku suru pa kwaruwu wubimake.

⁵⁵ Ento tek wubiriemo dhanu m’i ng’ombe woko ngo kud i weng’wu, e ju m’i kindgi ma wuweko gidong’ gibibedo ni giracoba i weng’wu, man calu ukudho i ng’etwu, man gibisendowu i ng’om ma wubedo i ie.

⁵⁶ E ebitimbre, nia, calu ia pido nia abitimo i kumgi, e abitimo kumeca i kumwu.