Nehemia 7 - The Holy Bible In Alur (Lur) Revised Orthography

Nehemia Caku ju Ma bibimo Yerusalem

¹ Nie etimbre, kinde ma gang’kidi daru gombre, man aketho dhugola cungo, e juketho jukur dhugola ku juwer man Julawi,

² nia amio Hanani m’umira, ku Hanania ma jabim mi ot ma tek, tic mi bimo Yerusalem; kum en e ng’atu mandha, man elworo Mungu ma sagu dhanu dupa.

³ E awacu igi kumae, Kud wuyi juyab dhugola mi Yerusalem ma fodi ceng’ kudoko lieth ungo; e kinde ma gicungo i kur, wek gicik dhugola, man wuroi utwindine: man wuketh jukur mi ju m’ubedo i Yerusalem, ku ba dhanu nzu ng’atuman i kur pare, man ku ba dhanu nzu ng’atuman ubed yo kum ot pare.

⁴ Nwang’u adhurane e lac e dit; ento dhanu gi nok i ie, e udi fodi jugomo ngo.

Nying’ Ju mi Ng’eca M’udwogo

⁵ E Mungu para ketho i adundena ya acok weg yung, man jubim, ku dhanu de karacelo, kara jukwangi ku ba thekwaru ku ba thekwaru. Man anwang’u kitabu mi thekwaru mi ju m’uidho malu ku kwong’a, man anwang’u jugoro i ie kumae:

⁶ Maeni nyithindho mi ng’etker, m’uidho malu kud i ng’eca mi ju ma juyaku, ma Nebukadnezar m’ubimo mi Babeli yaku, man m’udwogo Yerusalem kud i Yuda, ku ba dhanu nzu ng’atuman bang’ adhura pare;

⁷ ma gibino ku Zerubabel, man Yecuwa, ku Nehemia, man Azaria, ku Ramia, man Nahamani, ku Mordekai, man Bilcan, ku Mispereth, man Bigvai, ku Nehum, man Bana. Wel dhanu mi dhanu mir Israel kumeni:

⁸ Nyithindho pa Paroc, rubanga ario ku dak acel ku pier abiro wi ario.

⁹ Nyithindho pa Cefatia, dak adek ku pier abiro wi ario.

¹⁰ Nyithindho pa Ara, dak abusiel ku pier abic wi ario.

¹¹ Nyithindho pa Pahath-moab, mi nyithindho pa Yecuwa ku Yoab, rubanga ario ku dak abora kud apar wi abora.

¹² Nyithindho pa Elam, rubanga acel ku dak ario ku pier abic wi ang’wen.

¹³ Nyithindho pa Zatu, dak abora ku pier ang’wen wi abic.

¹⁴ Nyithindho pa Zakai, dak abiro ku pier abusiel.

¹⁵ Nyithindho pa Binui, dak abusiel ku pier ang’wen wi abora.

¹⁶ Nyithindho pa Bebai, dak abusiel ku pier ario wi abora.

¹⁷ Nyithindho pa Azgad, rubanga ario ku dak adek ku pier ario wi ario.

¹⁸ Nyithindho pa Adonikam, dak abusiel ku pier abusiel wi abiro.

¹⁹ Nyithindho pa Bigvai, rubanga ario ku pier abusiel wi abiro.

²⁰ Nyithindho pa Adin, dak abusiel ku pier abic wi abic.

²¹ Nyithindho pa Ater, pa Hezekia, pier abung’wen wi abora.

²² Nyithindho pa Hashum, dak adek ku pier ario wi abora.

²³ Nyithindho pa Bezai, dak adek ku pier ario wi ang’wen.

²⁴ Nyithindho pa Harif, dak acel kud apar wi ario.

²⁵ Nyithindho pa Gibeon, pier abung’wen wi abic.

²⁶ Dhanu pa Beth-lehem man Netofa, dak acel ku pier abora wi abora.

²⁷ Dhanu mir Anathoth, dak acel ku pier ario wi abora.

²⁸ Dhanu pa Beth-azmaveth, pier ang’wen wi ario.

²⁹ Dhanu pa Kiriath-yearim, ku Kefira, man Beroth, dak abiro ku pier ang’wen wi adek.

³⁰ Dhanu pa Rama, man Geba, dak abusiel ku pier ario wi acel.

³¹ Dhanu pa Mikmas, dak acel ku pier ario wi ario.

³² Dhanu mi Beth-el man Ai, dak acel ku pier ario wi adek.

³³ Dhanu mi Nebo kucel, pier abic wi ario.

³⁴ Nyithindho pa Elam mange, rubanga acel ku dak ario ku pier abic wi ang’wen.

³⁵ Nyithindho pa Harim, dak adek ku pier ario.

³⁶ Nyithindho pa Yeriko, dak adek ku pier ang’wen wi abic.

³⁷ Nyithindho pa Lod, man Hadid, ku Ono, dak abiro ku pier ario wi acel.

³⁸ Nyithindho pa Sena, rubanga adek ku dak abung’wen ku pier adek.

³⁹ Julam kumeni: Nyithindho pa Yedaya, mi ot pa Yecuwa, dak abung’wen ku pier abiro wi adek.

⁴⁰ Nyithindho pa Imer, rubanga acel ku pier abic wi ario.

⁴¹ Nyithindho pa Pacur, rubanga acel ku dak ario ku pier ang’wen wi abiro.

⁴² Nyithindho pa Harim, rubanga acel kud apar wi abiro.

⁴³ Julawi kumeni: nyithindho pa Yecuwa, pa Kadmiel, mi nyithindho pa Elodeba, pier abiro wi ang’wen.

⁴⁴ Juwer kumeni: nyithindho pa Asaf, dak acel ku pier ang’wen wi abora.

⁴⁵ Jukur dhugola kumeni: nyithindho pa Calum, nyithindho pa Ater, nyithindho pa Talmon, nyithindho pa Akub, nyithindho pa Hatia, man nyithindho pa Cobai, dak acel ku pier adek wi abora.

⁴⁶ Junethini kumeni: nyithindho pa Ziha, nyithindho pa Hasufa, nyithindho pa Tabaoth,

⁴⁷ nyithindho pa Keros, nyithindho pa Sia, nyithindho pa Padon,

⁴⁸ nyithindho pa Lebana, nyithindho pa Hagaba, nyithindho pa Salmai,

⁴⁹ nyithindho pa Hanan, nyithindho pa Gidel, nyithindho pa Gahar,

⁵⁰ nyithindho pa Reaya, nyithindho pa Rezin, nyithindho pa Nekoda,

⁵¹ nyithindho pa Gazam, nyithindho pa Uza, nyithindho pa Paseya,

⁵² nyithindho pa Besai, nyithindho pa Meunim, nyithindho pa Nefucesim,

⁵³ nyithindho pa Bakbuk, nyithindho pa Hakufa, nyithindho pa Harhur,

⁵⁴ nyithindho pa Bazlith, nyithindho pa Mehida, nyithindho pa Harca,

⁵⁵ nyithindho pa Barkos, nyithindho pa Sisera, nyithindho pa Tema,

⁵⁶ nyithindho pa Nezia, man nyithindho pa Hatifa.

⁵⁷ Nyithindho mi jutic pa Suleman kumeni: nyithindho pa Sotai, nyithindho pa Sofereth, nyithindho pa Perida,

⁵⁸ nyithindho pa Yala, nyithindho pa Darkon, nyithindho pa Gidel,

⁵⁹ nyithindho pa Cefatia, nyithindho pa Hatil, nyithindho pa Pokereth-hazebaim, man nyithindho pa Amon.

⁶⁰ Junethini ceke, man nyithindho mi jutic pa Suleman, gi dak adek ku pier abung’wen wi ario.

⁶¹ Man joni gi ju m’uidho malu kud i Tel-mela, man Tel-harca, man Kerub, man Adon, kud Imer; ento gicopo nyutho udi pa weggi ngo, kadi kodhigi de, tek gi pa Israel:

⁶² Nyithindho pa Delaya, nyithindho pa Tobia, nyithindho pa Nekoda, dak abusiel ku pier ang’wen wi ario.

⁶³ Man mi julam kumeni: nyithindho pa Hobaya, nyithindho pa Hakoz, nyithindho pa Barzilai, m’ugamu dhaku kind nyig Barzilai ma Jagileadi, man julwong’e ku nying’gi.

⁶⁴ Joni giyenyo kitabu migi i kind ju ma jukwanugi ku ba thekwaru, ento enwangre ngo: ka kumeno jukwanugi ya gicido man juwodhogi woko i lamulam.

⁶⁵ E jabim uwacu igi, nia ku gicam gin ma leng’ hai, ma fodi jalam kucungo malu ngo kud Urim man Thumim.

⁶⁶ Udul dho karacelo gi rubanga pier ang’wen wi ario ku dak adek ku pier abusiel,

⁶⁷ karacelo ku jutic migi ma co man bong’ migi, ma welgi rubanga abiro ku dak adek ku pier adek wi abiro: man gibedo ku jumaco ma wero wer ku jumamon ma wero wer dak ario ku pier ang’wen wi abic.

⁶⁸ Riuni migi dak abiro ku pier adek wi abusiel; man kana migi, dak ario ku pier ang’wen wi abic;

⁶⁹ ngamia migi, dak ang’wen ku pier adek wi abic; kana migi, rubanga abusiel ku dak abiro ku pier ario.

⁷⁰ Man jumoko ma kind wi udi mi wego giwodho piny mi tic. Jabim uwodho piny mi kakanpiny kum mola ma kwar rubanga acel, man tabu pier abic, ku kendi mi julam dak abic ku pier adek.

⁷¹ E jumoko ma kind wi udi pa wego giwodho piny mi kakanpiny mi tic kum mola ma kwar rubanga pier ario, man jampor mi mola ma tar rubanga ario ku dak ario.

⁷² Man maeno ma dong’ dhanu giwodho en e kum mola ma kwar rubanga pier ario, man jampor mi mola ma tar rubanga ario, ku kendi mi julam pier abusiel wi abiro.

⁷³ Ka kumeno julam, ku Julawi, man jukur dhugola, ku juwer, man jumoko mi kind dhanu, ku Junethini, man Israel ceke, gibedo i adhura migi. E ka dwi mir abirone wok, nyithindho mir Israel gini i adhura migi.