Malaki 4 - The Holy Bible In Alur (Lur) Revised Orthography

Ceng’ pa Yehova ma Bibino

¹ Kum, nen, ceng’ ubino, eliel pamir uka; ma jukuhaya ceke, ku dhanu ceke ma timo dubo, gibibedo ni soka; e ceng’ m’ubino biwang’ugi pet, Yehova mir udul uwacu, kara kud ewek igi kadok ulage kadi jange de.

² Ento iwu wu ju ma lworo nyinga ceng’ mi bedopwe biwok ku keyokum i bombe; e wubiwok woko, man wubituko calu nyithi dhiang’ i dwol.

³ Man wubinyono judubo piny; kum gibibedo ni vuru the tiendwu i ceng’ m’atimo maeni, Yehova mir udul uwacu.

⁴ Wupoi kum cik pa Musa ma jatic para, m’ang’olo ire i Horeb pir Israel ceke, en e cik ku lembapoka.

⁵ Nen, abioro iwu Elia ma jabila ma fodi ceng’ ma dit mi ndiri pa Yehova fok’uwok ungo.

⁶ Man ebiloko adunde mi wego ba nyithindho, man adunde nyithindho ba weggi; kara kud abin agoi ng’om ku kwong’.