Lembrieko 5 - The Holy Bible In Alur (Lur) Revised Orthography

Cim ni kum Gwokrileng’ Ngo

¹ Woda, keth cwinyi kum rieko para; Leng’ ithi ni ng’eyothelembe para:

² Kara igwok lembapora, Man kara dendhogi gwok ng’eyong’ec.

³ Kum dendhu dhaku ma nyawirok tono kic, Man dhoge mit ma sagu mo:

⁴ Ento i kajikne e kec calu yendadra, E bith calu palamularu ma lake kun ku kun.

⁵ Tiende loro ba tho; Dakutielo pare maku liel;

⁶ Ketho nia enwang’u yo ma pap ungo mi kwo: Yo pare lokre swa, man eng’eyo ngo.

⁷ Ka kumeno kawono, wota, wuwinj dwanda, Man kud wuai kum lembe mi dhoga.

⁸ Keth yo peri bor ire, Man kud ibin ceng’ni dhugola mi ot pare;

⁹ Imaru mio yung peri ni jumange, Man rundi peri ni jusend;

¹⁰ Juwirok umaru yeng’ ku tego peri, Man tic peri mi muli maru bedo i ot pa jawirok,

¹¹ Man icur acura i kajik peri ma cen, Kinde ma ring’kumi ku kumi de nyothre,

¹² Man iwac kumae, Adagu ponji mire ma, Man adundena cayu juk;

¹³ Kadok dwal juponji para de aworo ngo, Kadi itha de aleng’o ngo ni ju m’uponja;

¹⁴ Avobedo i lem ma rac ceke I kind cokri man udul dhanu.

¹⁵ Madh pi kud i pi m’atong’a peri giri, Man pi m’umol kud i pi m’atong’a peri giri.

¹⁶ Maku kulo peri lal mba, Man kulo mi pi i gengi?

¹⁷ Wek gibed giri i kendi, Man mi juwirok wukugi ngo.

¹⁸ Wek mugisa kwany kulo peri; Man anyong’a negi kum dhaku mir aradu peri.

¹⁹ Calu ruda mi mer man nyajwaya, ma mit, Wek thunone dui i nindo ceke; Man anyong’a negi thiri thiri ni kum mer pare.

²⁰ Nedi, woda, anyong’a negi kum dhaku ma nyawiroki, Man m’igwak ko kor nyawiroki?

²¹ Kum yo mi dhanu ni i wang’ Yehova; Man ie pido cu pi yo pare ceke.

²² Kier pare gire bimaku jadubo, Man jubimake ku uno mi dubo pare.

²³ Ebitho kum ponji m’umbe; Man ebikier i dit mi kasegu pare.