Lembanyutha 5 - The Holy Bible In Alur (Lur) Revised Orthography

Kitabu man Nyathi Rombo

¹ Man aneno kitabu, ma jugoro ie ku yor i ng’eye de, m’emwondre ki kud ayi abiro, i cing’ ng’atu m’ujany wi komker ca ma yor acwic.

² Man aneno malaika ma tek m’ubeyero ku dwal ma dit kumae, Ng’a m’uromo m’eyabu ko kitabu, m’ealu ko ayine de?

³ Man ng’atu moko mbe i polo, kadi wi ng’om de, kadi the ng’om, ma copo yabu kitabune, kadi wie anena de.

⁴ Man aywak dit, kum junwang’u ng’atu moko ngo m’uromo yabu kitabune, kadi wie anena de:

⁵ man ng’atu acel ma kind judongo wacu ira kumae, Kud iywaki: nen, Umvor ma en e mi suru pa Yuda, Ulag Daudi, eloyo m’eyabu ko kitabune kud ayine abiro de.

⁶ Man aneno Nyathi Rombo i kind komker man i kind yedi ma kwo ang’wen, man i kind judongo, ecungo, calu ma tek juthume, ma tunge abiro, wang’e de abiro ma gi Tipo abiro pa Mungu, ma juoro i ng’om yu.

⁷ Man ebino, eting’e kud i cing’ ma yor acwic pa ng’atu m’ujany wi komker ca.

⁸ Man kan edaru ting’o kitabune, e yedi ma kwo ang’wen ku judongo pier ario wi ang’wende gipodho piny wang’ Nyathi Rombo, ma adungu ni kubang’gi nzu, ku tabu mi mola ma kwar ma gin ma ng’wice ng’ar upong’ i ie, ma en e rwo mi jumaleng’.

⁹ Man giwero wer ma nyen, giwacu kumae, Eromo kudi ya iting’ kitabu, man ial ayine de: kum juthumi, man ing’iewo ni Mungu ku rimbi dhanu mi suru ceke kubang’gi, man dhok, man dhanu, man thek,

¹⁰ man iketho gibed ni ker ku julam de ni Mungu mwa; man gibimo bim wi ng’om.

¹¹ E aneno, man awinjo dwal mi malaika dupa m’utieko komker gbur man yedi ma kwo ku judongo; man welgi rubanga apar bang’ rubanga apar, man rubanga rubanga swa;

¹² ma giwacu kumae, ku dwal ma dit, Eromo ku Nyathi Rombo ma juthume ya egam tego, ku lonyo, man rieko, man tek, man yung, ku dwong’, man mugisa.

¹³ Man giracwia pa Mungu nzu kubang’gi ma ni i polo, ku ma wi ng’om, ku ma the ng’om, ku ma wi nam, ku gin ceke ma ni i igi bende, awinjo gibewacu kumae, Mugisa, ku yung, ku dwong’, man kero, ubed ni ng’atu m’ujany wi komker, man ni Nyathi Rombo, rondo ku rondo.

¹⁴ E yedi ma kwo ang’wen giwacu, Amen. Man judongo gipodho piny man girwo.