I Lemkei 4 - The Holy Bible In Alur (Lur) Revised Orthography

Nyikwai Yuda

¹ Wot Yuda gi eni: Perez, man Hezron, man Karmi, man Hur, man Cobal.

² Man Reaya ma wod Cobal unyolo Yahath; man Yahath unyolo Allumai giku Lahad. Maeni gi wat mi Juzorathi.

³ Man maeni gi wot won Etam: Yezrel, man icma, man Idbac; man nying’ nyameggi en e Hazelelponi;

⁴ man Penuel ma won Gedor, man Ezer ma won Huca. Maeni wot Hur, ma kayu Efratha, ma won Beth-lehem.

⁵ Man Achur ma won Tekoa mon pare ario, Hela man Nara.

⁶ Man Nara nyolo ire Ahuzam, man Hefer, man Temeni, man Hahactari. Maeni wot Nara.

⁷ Man wot Hela gi Zereth, man Izhar, man Ethnan.

⁸ Man Hakoz unyolo Anub, man Zobeba, man wat pa Aharhel ma wod Harum.

⁹ Man Yabez en e ng’atu mi yung ma sagu utumin mire: man min ulwong’o nyinge Yabez, ewacu kumae, Kum anyole ku can.

¹⁰ Man Yabez ulwong’o Mungu pa Israel, ewacu kumae, A tek ibimio mugisa ira andha, man ibimedo kieu para, man tek cingi ubed kuda, man tek ibigwoka ni gin ma rac, kara kud ebed ni can para! E Mungu mio ire gin maeno m’epenjo.

¹¹ Man Kelub m’umin Cuha nyolo Mehir, m’e won Ecton.

¹² Man Ecton unyolo Beth-rafa, man Paseya; man Tehina ma won Ir-nahac. Maeni dhanu pa Reka.

¹³ Man wot Kenaz gi eni: Othniel, man Seraya. Man wot Othniel gi eni: Hathath.

¹⁴ Man Meonothai unyolo Ofra: man Seraya nyolo Yoab ma won Geharacim; kum gi jubodho.

¹⁵ Man wot Kaleb ma wod Yefune gi eni: Iru, man Ela, man Nam; man wot Ela; man Kenaz.

¹⁶ Man wot Yehalelel gi eni: Zif, man Zifa, man Tiria, man Asarel.

¹⁷ Man wot Ezra gi eni: Yether, man Mered, man Efer, man Yalon; man enyolo Miriam, man Camai, man Icba ma won Ectemoa.

¹⁸ Man dhaku pare ma Nyayahudi nyolo Yered ma won Gedor, man Heber ma won Soko, man Yekuthiel ma won Zanoa. Man maeni gi wot Bithia ma nya Farao, ma Mered ugamu.

¹⁹ Man wot dhaku pa Hodia, ma nyamin Naham, gi weg Keila ma Jagarmi, man Ectemoa ma Jamakathi.

²⁰ Man wot Cimon gi eni: Amnon, man Rina, man Ben-hanan, man Tilon. Man wot Ici, gi eni: Zoheth, man Ben-zoheth.

²¹ Wot Cela ma wod Yuda gi eni: Er ma won Leka, man Lada ma won Mareca, man wat mi juot pa ju m’utimo bongu ma nwang’ ma ber, mi juot pa Acbeya;

²² man Yokim, man dhanu pa Kozeba, man Yoac, man Saraf, m’ucamu ker i Moab, man Yacubi-lehem. Man lembe maeni gi ma con.

²³ Maeni gi jucwiagulu, man ju m’ubedo i Netaim ku Gedera: gibedo keca kud ubimo pi tic pare.

Nyikwai Simeon

²⁴ Man wot Simeon gi eni: Nemuel, man Yamin, man Yarib, man Zera, man Caul;

²⁵ Calum ma wode, Mibsam ma wode, Micma ma wode.

²⁶ Man wot Micma gi eni: Hamuel ma wode, Zakur ma wode, Cimei ma wode.

²⁷ Man Cimei wote apar wi abusiel man nyige abusiel; ento utumin mire nyithindho migi dupa ngo, kadok wat migi ceke gimedri ngo calu nyithindho pa Yuda.

²⁸ Man gibedo Ber-ceba, ku Molada, man Hazar-cual,

²⁹ man i Bilha, man i Ezem, man i Tolad,

³⁰ man i Bethuel, man i Horma, man i Ziklag,

³¹ man i Beth-markaboth, man Hazarsusim, man i Beth-biri, man i Caraim. Maeni adhura migi cil kum camuker pa Daudi.

³² Man pacu migi en e Etam, man Ain, man Rimon, man Token, man Acan, adhura abic;

³³ man pacu migi ceke m’utieko adhurane gbur, cil kum Bal. Maeni kabedo migi, man gibedo ku thekwaru migi.

³⁴ Man Mecobab, man Yamlek, man Yoca ma wod Amazia,

³⁵ man Yoel, man Yehu ma wod Yocibia, ma wod Seraya, ma wod Asiel,

³⁶ man Elioenai, man Yakoba, man Yecohaya, man Asaya, man Adiel, man Yesimiel, man Benaya,

³⁷ man Ziza ma wod Cifi, ma wod Alon, ma wod Yedaya, ma wod Cimri, ma wod Cemaya,

³⁸ maeni ma julwong’ogi ku nying’gi gi judongomawijo i kind wat migi: man udi pa weggi, medre dit.

³⁹ E gicidho ba kamondo mi Gedor, cil kum ng’et poga ma yo nyangu, kara giyeny kakwac mir udul rombe migi.

⁴⁰ E ginwang’u kakwac ma lep lep ma ber de, man ng’ombe lac, e ling’ de, man ekwio; kum ju ma naka gibedo keca, gi pa Ham.

⁴¹ Man maeni ma jugoro ku nying’gi gibino i nindo pa Hezekia m’ubimo mi Yuda, man gigoyo hema migi, man Jumeuni ma junwang’u keca, man ginyothogi kot cil i ceng’ ma tin, e gibedo kakagi; kum kakwac nuti keca mir udul lim migi.

⁴² E jumoko m’i kindgi, en e kind wot Simeon, dhanu dak abic, gicidho wi got Seir, ma gibedo ku Pelatia, man Neaxia, ku Refaya, man Uziel, ma wot Ici ni jego migi.

⁴³ E gigoyo dong’ Juamaleki m’uboth, man gibedo keca cil i ceng’ ma tin.