Ezra 10 - The Holy Bible In Alur (Lur) Revised Orthography

Juwodho Mon ma Juwirok ku Nyithindhgi Cen

¹ Nie ka Ezra berwo etuco de, m’eywak m’eredhre piny de i wang’ot pa Mungu, udul ma dit apila ucokri i bang’e kud i Israel mi co ku mon ku nyithindho; kum dhanune ywak dit.

² Man Cekania ma wod Yehiel, ng’atu acel ma kind wot Elam, uloko lembe man ewacu ni Ezra kumae, Wadubo ni Mungu mwa, man wagamu mon ma juwirok mi kodhidhanu m’i ng’om: ento kawono genogen nuti pir Israel kum gin maeni.

³ Ka kumeno kawono dong’ watimu lembariba ku Mungu mwa kara wawodh monne ceke, ku ju ma ginyolo de, calku lembapora pa rwoth para, man mi ju ma kumgi miel kum lembang’ola pa Mungu mwa; man wek etimbre calku cik.

⁴ Ai malu; kum lembene ni i kori, wan de wani kudi: bed ku tegocwiny ma ber, man itime.

⁵ Ezra lund uai malu, man eketho julam ma dongo, ku Julawi, man Israel ceke, gikwong’o nia gibitimo calku lembe maeni. Ka kumeno gikwong’o.

⁶ Ezra lund uai malu kud i wang’ ot pa Mungu, e emondo i kusika pa Yehohanan ma wod Eliacib: e kan ebino keca, ecamu kwen ungo, kadi pi de emadhu ngo; kum eywak kum dubo mi ju mi ng’eca.

⁷ E gioro kwenda i Yuda ceke mba mba man i Yerusalem ba nyithindho ceke mi ng’eca, nia gicokri karacelo Yerusalem;

⁸ man ng’atu ma tek ubino ngo i ceng’ adek, calku lembapora mi judongomawijo ku judongo, piny pare ceke bed ni jambayeki, man en gire jukoye kud i cokri mi ng’eca.

⁹ Dhanu ceke mi Yuda ku Benyamin gilund gicokri karacelo i Yerusalem i ceng’ adek (en e dwi mir abung’wende, i ceng’ pier arionde mi dwije); man dhanu ceke gibedo i ka ma lac i wang’ ot pa Mungu, ma kumgi bemiel kum lembe maeni, man kum koth ma dit.

¹⁰ Man Ezra ma jalam ucungo malu, man ewacu igi kumae, Wudubo, man wugamu mon ma juwirok, kara wumed dubo mir Israel.

¹¹ Ka kumeno kawono wutuc ni Yehova, Mungu pa kwaruwu, man wutim yeny ma ie yenyo; man wukoiru giwu ni kodhidhanu m’i ng’om, man ni mon ma juwirok.

¹² E cokri ceke gilund gidwoko lembe giwacu kumae, ku dwandgi ma tek, Calu iwacu piwa, wakowatim kumeca be.

¹³ Ento dhanune gi dupa, man en e nindo mi koth ma dit, e wacopo cungo woko ngo: kadok tic maeni de en e mi ceng’ acel kadi ario de ngo; kum wadubo dit i lembe maeni.

¹⁴ Kawono dong’ juketh judongomawijo mwa pi cokri ceke, man wek dhanu ceke ma gi ni i adhura mwa ma gigamu mon ma juwirok gibin i nindo ma jung’olo, ku judongo mir adhura ceke kubang’e kubang’e gikugi, ku jupoklembene de, cil ma kwinyo ma lake tek pa Mungu mwa ulokre woko kud i bang’wa, cil ma lembe maeni thum ko.

¹⁵ Yonathan ma wod Asahel man Yazeya ma wod Tikva kendgi e ma jukethogi wi lembe maeni: man Meculam giku Cabethai ma Jalawi gikonyogi.

¹⁶ Man nyithindho mi ng’eca gitimo kumeca. Man Ezra ma jalam, karacelo ku jumoko ma wi udi pa weggi, calku udi pa weggi, man kagi ceke ku nying’gi, jukoyogi; e gibedo piny i ceng’ ma kwong’ane mi dwi mir apaje niluro i lembene.

¹⁷ E gidaru lembe mi jumaco ceke m’ugaj mu mon ma juwirok i ceng’ ma kwong’ane mi dwi ma kwong’ane.

¹⁸ Man i kind wot julam junwang’u ju m’ugamu mon ma juwirok gi eni: mi wot Yecuwa, wod Yozadak, man utumin mire, Maseya, man Eliezer, man Yarib, man Gedalia.

¹⁹ E gimio cing’gi nia gibiwodho mon migi; man kum dubo ni wigi, githiero nyok rombo mir udul rombe pi dubo migi.

²⁰ Man mi wot Imer ke gi eni: Hanani ku Zebadia.

²¹ Man mi wot Harim gi eni: Maseya, man Elia, man Cemaya, man Yehiel, man Uzia.

²² Man mi wot Pacur gi eni: Elioenai, man Maseya, man Icmael, man Nethanel, man Yozabad, man Elasa.

²³ Man mi Julawi gi eni: Yozabad, ku Cimei, man Kelaya (ma en e Kelita), man Pethahia, man Yuda, man Eliezer.

²⁴ Man mi juwer gi eni: Eliacib. Man mi jukur dhugola gi eni: Calum, man Telem, man Uri.

²⁵ Man mir Israel gi eni: Mi wot Paroc gi eni: Ramia, man Izia, man Malkija, man Mijamin, man Eleazar, man Malkija, man Benaya.

²⁶ Man mi wot Elam gi eni: Matania, man Zekaria, man Yehiel, man Abdi, man Yeremoth, man Elia.

²⁷ Man mi wot Zatu gi eni: Elioenai, man Eliacib, man Matania, man Yeremoth, man Zabad, man Aziza.

²⁸ Man mi wot Bebai gi eni: Yehohanan, man Hanania, man Zabai, man Athlai.

²⁹ Man mi wot Bani gi eni: Meculam, man Maluk, man Adaya, man Yacub, man Ceal, man Yeremoth.

³⁰ Man mi wot Pahath-moab gi eni: Adna, man Celai, man Benaya, man Maseya, man Matania, man Bezalel, man Binui, man Manase.

³¹ Man mi wot Harim gi eni: Eliezer, man Iscija, man Malkija, man Cemaya, man Cimeon,

³² man Benyamin, man Maluk, man Cemaria.

³³ Mi wot Hacum gi eni: Matenai, man Matata, man Zabad, man Elifelet, man Yeremai, man Manase, man Cimei.

³⁴ Mi wot Bani gi eni: Madai, man Amram, man Uel,

³⁵ man Benaya, man Bedeya, man Keluhi,

³⁶ man Vania, man Meremoth, man Eliacib,

³⁷ man Matania, man Matenai, man Yasu,

³⁸ man Bani, man Binui, man Cimei,

³⁹ man Celemia, man Nathan, man Adaya,

⁴⁰ man Maknadebai, man Cacai, man Carai,

⁴¹ man Azarel, man Celemia, man Cemaria,

⁴² man Calum, man Amaria, man Yusuf.

⁴³ Mi wot Nebo gi eni: Yeiel, man Matithia, man Zabad, man Zebina, man Ido, man Yoel, man Benaya.

⁴⁴ Maeni ceke gimaku mon ma juwirok; man jumoko m’i kindgi bedo ku mon ma ginyolo nyithindho gikugi.