3 Yohana 1 - The Holy Bible In Alur (Lur) Revised Orthography

Moth

¹ Jadit ni Gayo ma jamer, m’amaru i lemandha.

² Jamer, akwayu nia gin ceke bed miero iri man kumi de bed leng’, cil calu ng’eyong’ec peri de bedo miero.

³ Kum anyong’a nega dit, kinde ma umego gibino ginyutho lemandha peri, cil calu ibewotho i lemandha.

⁴ Mutoro mange mbe i bang’a ma sagu maeni, ni lembe mi nyithindho para m’awinjo gibewotho i lemandha.

Jufoyo Tic pa Gayo yo ba Welo

⁵ Jamer, itimo tic mandha ku ba tic ceke m’itimo ni ju ma gin umego man welo bende;

⁶ ma ginyutho mer peri i wang’ kanisa: m’ibitimo ber tek ibiyiko woth migi calu eromo ku Mungu:

⁷ kum giwok woko ni kum Nying’ nino, ma gigamu gin moko ngo ba Thekdhanumange.

⁸ Ka kumeno maku wajol wagi ju ma kumeno, kara wabed jutic karacelo pi lemandha.

Dim pa Diotrefe

⁹ Agoro lembe moko ni kanisa: endre Diotrefe, m’uyenyo ebed jawipiro, i kindgi de, ebejolowa ngo.

¹⁰ Ka kumeno, tek abino, abipoi kum tic pare m’etimo, m’ebeyero ko lembe ma rac i kumwa: man cwinye cungo kum maeni ngo, kadi en ku kite de ejolo umego ngo, man ju ma giyenyo de ekwerogi man ewodhogi woko kud i kanisa.

Rwong Demetrio ma Ber Uwinjre

¹¹ Jamer kud ikwany ba gin ma rac, endre ikwany ba gin ma ber. Ng’atu m’utimo ber en e pa Mungu: ng’atu m’utimo rac nwang’u fodi eneno Mungu ngo.

¹² Demetrio bedo ku giranyutha mi dhanu ceke, ku mi lemandhane de: eyo, wan bende wanyutho; man in de ing’eyo nia lembe ma wanyutho en e andha.

Moth M’edaru Ko

¹³ Nwang’u abedo ku lembe dupa m’agor iri endre ayenyo ngo nik agor iri ku vino man kalamu mi vino:

¹⁴ ento ageno ya fodi nyanok abineni, man wabiweco ma wanendra ku wang’wa.

¹⁵ Dong’ ibed ma cwinyi kwi. Jurimo gimothi. Moth jurimo ku nying’gi ku nying’gi.