Seanfhocal 6:6

An Bíobla Naofa 1981

A leisceoir, téigh chun an tseangáin; déan machnamh ar a bhealaí, agus bíodh ciall agat.

Tagairtí Cros

Seanfhocal 1:17

Is fánach é an líon a leathadh agus an t‑éan ag faire.

Seanfhocal 10:26

Dála an fhínéagra leis na fiacla, nó an deataigh leis na súile, sin mar bhíonn ag an leadránaí leis an té a sheol é.

Seanfhocal 10:4

Leanann an bhochtaine an lámh gan fhuaimint, ach tuilleann an lámh fhuinniúil maoin.

Seanfhocal 13:4

Bíonn an leisceoir ag tnúthán, ach ní bhíonn dada ina chomhair; ach bíonn an saothrach sáitheach.

Seanfhocal 15:19

Tá driseacha go tiubh ar chosán na leisceoirí, ach is ród réidh cosán [na ndícheallach].

Seanfhocal 18:9

An té a bhíonn díomhaoin i mbun a ghnóthaí, is deartháir é don scriosadóir.

Seanfhocal 19:15

Cuireann leisce duine i dtoirchim suain, ach beidh ocras fós ar an duine díomhaoin.

Seanfhocal 19:24

Tumann an leisceoir a chrobh sa mhias, ach ní bhacann le hé a bhreith chun a bhéil.

Seanfhocal 20:4

Tá an fómhar thart, ach níl aon treabhadh déanta ag an leisceoir; beidh súil in airde aige in am an bhainte, ach ní beidh dada ann dó.

Seanfhocal 21:25

Is trúig bháis don leisceoir a ainmhian féin, mar ní áil lena lámha aon bheart a dhéanamh.

Seanfhocal 22:13

“Tá leon lasmuigh,” a deir an leisceoir! “Marófar sa tsráid mé!”

Seanfhocal 23:19

Éist liom, a mhic, agus bíodh ciall agat, agus stiúraigh do chroí i slí [na gaoise].

Seanfhocal 30:24

Tá ceithre nithe ar an talamh atá bídeach, ach is acu atá togha na gaoise:

Seanfhocal 30:25

Na seangáin, treibh gan neart iad, ach sa samhradh déanann siad deimhin dá soláthar:

Seanfhocal 6:9

An fada a fhanfaidh tú i do luí ansin, a leisceoir? cathain a éireoidh tú ón suan?

Íseáia 1:3

Tá aithne ag an mart ar a úinéir, agus ag an asal ar chliabhán a mháistir, ach ní aithníonn Iosrael aon ní, ní thuigeann mo phobal dada.”

Irimia 8:7

Fiú amháin an chorr bhán sa spéir bíonn fios a haimsire aici; comhairíonn an turtúr, an fháinleog, an chorr ghlas, am a dteachta. Ach ní fheadar mo dhaoine rialú an Tiarna.

Matha 25:26

Dúirt a mháistir leis á fhreagairt: ‘Drochsheirbhíseach leisciúil thú! Bhí a fhios agat go mbainim fómhar san áit nár chuir mé síol agus go gcnuasaím as an áit nach ndearna mé scaipeadh:

Matha 6:26

“Féachaigí éanlaith an aeir: ní dhéanann siad síolchur ná fómhar ná cnuasach sna sciobóil, agus tugann bhur nAthair neamhaí bia dóibh. Nach mó is fiú sibhse ná iad sin?

Rómhánaigh 12:11

bígí dúthrachtach gan leisce, ar lasadh leis an Spiorad, agus ag seirbhís don Tiarna.

Eabhraigh 6:12

Níor mhaith linn go n‑éireodh sibh leisciúil ach go ndéanfadh sibh aithris ar na daoine atá ina n‑oidhrí, de bharr a gcreidimh agus a bhfadfhulaingthe, ar na maitheasaí a gealladh dóibh.