Seanfhocal 6:14

An Bíobla Naofa 1981

Bíonn an feall ina chroí ag beartú oilc, agus bíonn aighneas de shíor á adhaint aige.

Tagairtí Cros

Salm 140:2

Fuascail mé a Thiarna, ón drochdhuine; cosain mé ar fhear an fhoréigin,

Salm 140:3

ar lucht beartaithe an oilc ina gcroí, a mbíonn aighneas á mhúscailt de shíor acu.

Salm 36:4

Tá urchóid agus cealg ina bhéal níl ciall aige don mhaith.

Seanfhocal 14:22

Nach bhfuil breall ar lucht na claonbheartaíochta? Bíonn cneastacht agus dílse i ndán do lucht na scéimeanna córa.

Seanfhocal 16:27

Beartaíonn an t‑alfraits olc, agus is cuma nó tine loiscneach briathra a bhéil.

Seanfhocal 17:20

Ní bhíonn sonas i ndán d'fhear an chroí chlaoin; titeann an tubaiste sa mhullach ar fhear na teanga fealltaí.

Seanfhocal 2:14

Orthú siúd ar geal leo an t‑olc a dhéanamh, ar gean leo an chamastaíl,

Seanfhocal 21:8

Is cam é casán an chiontaigh, ach is íon é iompar an duine ionraic.

Seanfhocal 22:8

An té a shíolann an éagóir, beidh fómhar na tubaiste aige; air féin a [thitfidh] bata a chuthaigh.

Seanfhocal 24:8

An té atá ag beartú an oilc, tabharfar fear clampair air.

Seanfhocal 3:29

Ná beartaigh olc in aghaidh do chomharsan, agus é ag maireachtáil go sochma i mbéal do dhorais.

Seanfhocal 3:32

Óir is fuath leis an Tiarna an duine urchóideach; is leis na fíréin amháin a ligeann sé a rún.

Íseáia 32:7

Maidir leis an gcaimiléirí, tá a chaimiléireacht mallaithe; bíonn sé ag ceapadh seifteanna chun na bochtáin a mhilleadh le bréaga, fiú agus an ceart ag cúis na ndearóile;

Íseáia 57:20

Ach tá lucht na hurchóide ar nós farraige suaite, farraige nach féidir di bheith ciúin, a mbíonn a tonnta ag caitheamh suas salachair agus láibe.

Eizicéil 11:2

“A mhic an duine,” arsan Tiarna, “seo lucht na drochchomhcheilge a thugann comhairle a haimhleasa don chathair seo;

Hóisé 8:7

Gaoth a síol, gála a bhfómhar! Ní rachaidh an geamhar i ndias dóibh, ná ní thabharfaidh sé plúr; agus má thugann féin is eachtrannaigh a íosfaidh é.

Míocá 2:1

Mairg don mhuintir a bhíonn ag meabhrú urchóide agus ag beartú oilc ar a leaba. Le céadsolas na maidine siúd chun gníomhartha iad mar is acmhainn dóibh é.

Rómhánaigh 16:17

Achainím oraibh, a bhráithre, súil a choimeád orthu sin a adhnann achrainn agus a dhéanann deacrachtaí in éadan an teagaisc a múineadh daoibh. Seachnaígí iad,