Seanfhocal 28:25

An Bíobla Naofa 1981

Spreagann an santach achrainn; an té a bhfuil a mhuinín aige as an Tiarna, beidh an rath air.

Tagairtí Cros

Salm 84:12

Óir is grian agus is sciath é an Tiarna Dia a bhronnann orainn grásta agus glóir. Ní eitíonn sé maitheas ar bith ar an muintir a chaitheann a mbeatha gan cháim.

Seanfhocal 10:12

Gineann fuath achrann, ach cuireann an grá brat thar gach cóir.

Seanfhocal 10:3

Ní fhágann an Tiarna an fíréan gan bhia, ach cuireann sé bac ar chraos an urchóidigh.

Seanfhocal 11:25

Éireoidh an fial saibhir; an té thugann deoch, gheobhaidh sé deoch.

Seanfhocal 13:10

Leanann aighneas stuacacht na n‑éaganta; ach is ag lucht leanta na comhairle atá an eagna.

Seanfhocal 13:4

Bíonn an leisceoir ag tnúthán, ach ní bhíonn dada ina chomhair; ach bíonn an saothrach sáitheach.

Seanfhocal 15:18

Adhnann an duine lasánta achrann, ach réitíonn an duine sochma aighneas.

Seanfhocal 15:27

An té a shantaíonn breis éagórach, tugann sé buaireamh sa mhullach ar a theach; ach an té ar fuath leis breabanna, beidh fad saoil aige.

Seanfhocal 15:30

Cuireann súilfhéachaint chineálta áthas ar an gcroí, agus cuireann dea-scéala neart sna cnámha.

Seanfhocal 21:24

Scigire a thugtar ar fhear an uabhair is an díomais, agus bíonn éirí in airde ina iompar.

Seanfhocal 22:10

Tabhair bata is bóthar don scigire agus baileoidh an t‑aighneas leis, agus beidh deireadh le hachrann is le hachasán.

Seanfhocal 29:22

Adhnann an fear drochmhianaigh achrann, agus is cúis mhór peaca fear na feirge.

Seanfhocal 29:25

Is gaiste é eagla roimh dhaoine, ach ní baol don té a chuireann a mhuinín sa Tiarna.

Íseáia 58:11

Beidh an Tiarna do do threorú de shíor agus ag riar do ghá faoi loscadh na gréine. Cuirfidh sé smior i do chnámha agus beidh tú mar ghairdín a fuair riar uisce, ar nós tobar nach dtéann a chuid uiscí i ndísc.

1 Tiomóid 6:6

Is mór an t‑údar saibhris í an chráifeacht go deimhin, an té a bhíonn sásta lena chuid.