Seanfhocal 24:19

An Bíobla Naofa 1981

Ná cuireadh lucht an oilc caduaic ort, agus ná bí in éad le drochdhaoine.

Tagairtí Cros

Salm 1:1

Is aoibhinn don fhear nach leanann de chomhairle lucht na héagráifeachta; nach seasann i slí na bpeacach, agus nach suíonn i gcuideachta na sotalach;

Salm 119:115

Imígí uaim, a lucht déanta na hurchóide; coimeádfaidh mé aitheanta mo Dhé.

Salm 37:1

[Salm le] Dáiví. 1 Ná bíodh buairt ort faoi lucht an drochiompair; ná bí in éad le lucht déanta na hurchóide;

Salm 73:3

Óir bhíos ag éad le lucht éirí in airde, ag faire dom ar shéan na n‑éagráifeach.

Seanfhocal 13:20

An té a mbíonn caidreamh aige ar dhaoine eagnaí, éiríonn sé féin eagnaí; bíodh amadáin mar chairde aige, agus beidh sé thíos leis.

Seanfhocal 23:17

Ná bíodh do chroí in éad le peacaigh, ach bí go teann gach lá faoi eagla an Tiarna;

Seanfhocal 24:1

Ná bí in éad le hurchóidigh, ná ag tnúth lena gcuideachta.

Seanfhocal 24:18

Le heagla go bhfeicfeadh an Tiarna agus nach mbeadh sé sásta, agus go n‑iompódh sé a fhearg uaidh.

Uimhreacha 16:26

Dúirt sé leis an gcomhthionól: “Druidigí amach, impím oraibh, ó bhothanna na bhfear claon seo, agus ná bainigí le haon ní is leo le heagla go scuabfaí sibhse leis chun siúil lena bpeacaí go léir.”

2 Corantaigh 6:17

Imígí as a measc, dá bhrí sin, agus scaraigí leo; ná bainigí le rud neamhghlan agus beidh fáilte agamsa romhaibh.

Eifisigh 5:11

agus ná bíodh aon pháirt agaibh i ngnóthaí seasca an dorchadais ach iad a cháineadh.

Apacailipsis (Taispeántadh) 18:4

Ansin chuala guth eile ó na flaithis á rá: “Amach libh aisti, a phobal liom, i dtreo nach mbeadh sibh páirteach ina cionta, agus nach mbeadh cuid dá plánna le hiompar agaibh.