Seanfhocal 21:20

An Bíobla Naofa 1981

Tá maoin luachmhar agus ola i dteach an duine chríonna, ach déanfaidh an t‑amadán é a alpadh.

Tagairtí Cros

Iób 20:15

An mhaoin a shlog sé, ní foláir dó í a aiseag; Déanfaidh Dia iad a dhíbirt as a bholg.

Iób 20:18

Tá deireadh leis an aoibh ar a cheannaithe de bharr a shochair; Ní bheidh sásamh a thuilleadh aige as borradh a mhaoine.

Salm 112:3

Beidh maoin is maitheas ina theaghlach; mairfidh a fhíréantacht go brách is choíche.

Salm 23:5

Cóiríonn tú bord chun béile dom i láthair mo naimhde. Ungann tú mo cheann le hola; tá mo chupa ag cur thairis.

Seanfhocal 10:22

Beannacht an Tiarna a bhronnann saibhreas, agus ní chuireann seisean dólás léi.

Seanfhocal 14:24

Coróin na ngaoismhear a ngaois, an bhaois a bhíonn mar chraobh ag na baotha.

Seanfhocal 15:6

Tá mórán maoine i dteach an fhíréin, ach leanann buairt cnuasach an choirpigh.

Seanfhocal 22:4

Sé luach saothair na humhlaíochta agus eagla an Tiarna ná saibhreas, onóir agus fad saoil.

Seanfhocal 8:21

Ag dáileadh maoine ar an muintir a ghránn mé, agus ag líonadh a dtaiscí.

Cóheilit 10:19

Caitear fleá ar son an tsuaircis agus cuireann an fíon gliondar ar na beo ach is é an t‑airgead a chuireann gach uile rud díobh ar fáil.

Cóheilit 5:19

Ní bheidh sé ag machnamh go brúite ar ghiorra a shaoil mar coinneoidh Dia gafa é ag aoibhneas a chroí.

Cóheilit 7:11

Eagna agus oidhreacht le chéile, is maith an ní é sin agus téann sé ar sochar don mhuintir a fheiceann an ghrian.

Irimia 41:8

Bhí deichniúr fear orthu, áfach, a dúirt le hÍsmeáéil: “Ná maraigh sinne; tá stór bia i dtaisce againn faoin tuaith - cruithneacht agus eorna, ola agus mil.” Rinne sé anacal orthu, mar sin, agus níor mharaigh iad i measc a ndeartháireacha.

Matha 25:8

Ach dúirt na mná gan tuiscint leis na mná ciallmhara: ‘Tugaigí dúinn braon de bhur n‑olasa, mar tá ár lampaíne in éag.’

Lúcás 15:14

Nuair a bhí gach aon ní caite aige, tháinig gorta millteach sa tír sin, agus thosaigh sé féin bheith in uireasa.

Lúcás 16:1

Dúirt sé lena dheisceabail freisin: “Bhí fear saibhir ann a raibh maor aige, agus gearánadh é seo leis go raibh sé ag scaipeadh a mhaoine.

Lúcás 6:45

Tógann an dea-dhuine an dea-rud amach as dea-stór a chroí, agus tógann an drochdhuine an drochrud amach as a dhrochstór. Óir is as iomarca a chroí a labhraíonn a bhéal.