Seanfhocal 17:14

An Bíobla Naofa 1981

Is cuma aighneas a thosú nó scaoileadh le tuile; buail cos air dá bhrí sin sula n‑adhntar an t‑achrann.

Tagairtí Cros

2 Samúéil 19:41

Chuaigh an rí ar aghaidh go Gilgeál agus d'fhan Ciomchám in éineacht leis. Rinne muintir Iúdá go léir, agus leath mhuintir Iosrael chomh maith, an rí a thionlacan ar an tslí.

2 Croinicí 13:17

Rinne Aibíá agus a shluaite ár agus eirleach orthu; thit cúig céad míle d'fhir thofa Iosrael marbh ar pháirc an áir.

2 Croinicí 28:6

Mharaigh Peacach mac Ramailiá céad agus a fiche míle fear, curaidh chalma iad uile, san aon lá amháin in Iúdá; toisc gur thréig siad an Tiarna, Dia a sinsear, a tharla sin dóibh.

Seanfhocal 13:10

Leanann aighneas stuacacht na n‑éaganta; ach is ag lucht leanta na comhairle atá an eagna.

Seanfhocal 14:29

Is mór é tuiscint an té atá mall chun feirge; is [measa ná baoth] an fear lasánta.

Seanfhocal 15:1

Cuireann freagra séimh an fhearg ar gcúl, ach músclaíonn briathra borba cuthach.

Seanfhocal 16:32

Is fearr an duine stuama ná an gaiscíoch tréan; agus an té atá ina mháistir air féin ná an té a dhéanann cathair a ghabháil.

Seanfhocal 17:19

An té ar maith leis aighneas, is maith leis [buillí]; fear na mbriathra uaille, bíonn sé ag suirí le drochíde.

Seanfhocal 19:11

Cuireann ciall srian le fearg duine, agus is glóir dó scaoileadh le coir.

Seanfhocal 20:3

Is onóir do dhuine aighneas a sheachaint, ach beidh gach amadán ag achrann.

Seanfhocal 25:8

ná sceith é go róthobann sa chúirt. Óir céard a dhéanfaidh tú ar deireadh má bhréagnaíonn do chomharsana thú?

Seanfhocal 26:21

Gualach don ghríosach, brosna do thine, agus fear achrainn le haighneas a adhaint.

Seanfhocal 29:22

Adhnann an fear drochmhianaigh achrann, agus is cúis mhór peaca fear na feirge.

Rómhánaigh 12:18

Más féidir é, chomh fada le bhur ndícheall, mairigí go síochánta le cách uile.

1 Teasalónaigh 4:11

agus é bheith ina aidhm agaibh saol suaimhneach a chaitheamh, bhur ngnó féin a dhéanamh agus oibriú le bhur lámha féin de réir mar a dúramar libh cheana.