Seanfhocal 16:24

An Bíobla Naofa 1981

Is cuma nó cior mheala briathra séimhe; is milis iad le blaiseadh agus is sláintiúil iad don chorp.

Tagairtí Cros

Salm 119:103

Is milse do bhriathra le mo charball; ná mil le mo bhéal.

Salm 19:10

Is íon í eagla an Tiarna, maireann sí go deo; is fíor iad reachtanna an Tiarna, táid uile go cóir.

Seanfhocal 12:18

Tá duine ann ar geall le sá claímh a mhearbhriathra; ach bíonn cneasú á iompar ag teanga an eagnaí.

Seanfhocal 15:23

Gabhann áthas le freagra pras, agus nach maith é an focal i dtráth!

Seanfhocal 15:26

Is gráin leis an Tiarna smaointe an choirpigh, ach is [gean leis] caint na neamhchiontach.

Seanfhocal 17:22

Oideas fónta an croí meidhreach; seirgeann na cnámha le heaspa misnigh.

Seanfhocal 23:16

Beidh mé féin meidhreach meanmnach nuair a sceithfidh do bhéal briathra córa.

Seanfhocal 27:9

Baineann ola na comhairle an ceo den chroí, ach cuireann milse an mhuintearais sólás ar an anam.

Seanfhocal 3:8

Beidh sin ina íocshlainte do do cholainn agus ina fhaoiseamh do do chnámha.

Seanfhocal 4:22

Óir is beatha iad don mhuintir a aimsíonn iad, agus is sláinte iad don cholainn ar fad.

Cóheilit 12:10

D'fhéach Cóheilit le briathra taitneamhacha a fháil agus an fhírinne a chur síos le barr cruinnis.

Laoi na Laoithe 4:11

Béilín meala, a bhrídeach, mar an criathar ag sileadh; mil agus bainne faoi do theanga go cinnte; boladh cumhra ar d'éadach mar chumhracht na Liobáine.

Irimia 15:16

Nuair a tháinig do bhriathra, d'ith mise iad. Bhí do bhriathar ina ghairdeachas agus ina lúcháir do mo chroí; óir gaireadh d'ainmse orm, a Thiarna, Dia na Slua.

Deotranaimí 32:2

Go dtite mo theagasc mar an fhearthainn; go sile mo ghlór mar an drúcht mar an fhearthainn bhog ar an bhféar bláith, agus mar cheathanna ar lusra an bháin.

Apacailipsis (Taispeántadh) 10:10

Thóg mé an scrolla beag, más ea, ó lámh an aingil agus shlog mé é, agus bhí sé milis mar mhil i mo bhéal, agus nuair a bhí sé ite agam tháinig casadh searbh ar mo ghoile.