Seanfhocal 16:15

An Bíobla Naofa 1981

Bíonn an bheatha i ngile ghnúis an rí, agus is geall le scamaill bháistí an earraigh a ghnaoi.

Tagairtí Cros

Salm 21:6

Is mór é a ghradam de bharr do chúnaimh. Bronnann tú maorgacht agus maise rómhór air.

Salm 30:5

A naomha an Tiarna, tugaigí moladh dó, gabhaigí buíochas lena ainm naofa.

Salm 4:6

Déanaigí íobairtí córa, bíodh bhur ndóchas sa Tiarna agaibh.

Salm 72:6

mar fhearthainn ar an bhfód féir ghlais; mar cheathanna ar an talamh.

Seanfhocal 16:14

Teachtaire báis fearg rí, ach déanfaidh an t‑eagnaí í a cheansú.

Seanfhocal 19:12

Is geall le glam leoin fearg rí, ach le drúcht ar fhéar a ghnaoi.

Seanfhocal 29:26

Is iomaí duine a bhíonn ag lútáil le rialtóir, ach is ón Tiarna a fhaigheann gach duine a cheart.

Hóisé 6:3

Bíodh aithne againn ar an Tiarna; déanaimis ár ndícheall le haithne a chur air! Beidh a thaibhsiú chomh cinnte le breacadh an lae; tiocfaidh sé chugainn mar an bháisteach, amhail fearthainn an earraigh a uiscíonn an tír.”

Zacairia 10:1

Iarraigí fearthainn ar an Tiarna i séasúr fhearthainn an earraigh; óir, is é an Tiarna a dhéanann na néalta doininne. Tabharfaidh sé ceathanna báistí daoibh agus cuirfidh sé féar ag fás i bpáirc an uile dhuine.

Gníomhartha 2:28

Thaispeáin tú dom bóthar na beatha agus líonfaidh tú mé le háthas i do láthair.