Seanfhocal 15:15

An Bíobla Naofa 1981

Is drochlá gach lá ag fear na buairte, ach is fleá gach lá ag an gcroí suairc.

Tagairtí Cros

Geineasas 37:35

Tháinig a chlann mhac agus a chlann iníonacha go léir chuige le sólás a thabhairt dó, ach ní ghlacfadh sé sólás ar bith, á rá: “Ní dhéanfaidh mé. Rachaidh mé síos ag sileadh na ndeor go Seól fara mo mhac.” Sin mar a chaoin a athair é.

Geineasas 47:9

Dúirt Iacób le Forann: “Tá céad agus deich mbliana fichead de shaol síorthaistil caite agam; ní fada ná ní fónta blianta mo ré agus níl siad chomh fada le blianta saoil m'aithreacha ina síorthaisteal.”

Seanfhocal 15:13

Gabhann gealgháire le háthas croí, ach briseann cumha chroí an misneach.

Seanfhocal 15:14

Eolas is sprioc ag aigne an duine thuisceanaigh, ach baois an bia a bhíonn i mbéal na n‑amadán.

Seanfhocal 15:16

Is fearr an builín beag agus eagla an Tiarna ná an builín mór agus buairt dá réir.

Seanfhocal 16:22

Is foinse beatha an ghaois don té a bhfuil sí ina sheilbh ach is í an bhaois crá na n‑amadán.

Seanfhocal 17:22

Oideas fónta an croí meidhreach; seirgeann na cnámha le heaspa misnigh.

Gníomhartha 16:25

Timpeall meán oíche bhí Pól agus Síleas ag guí agus ag canadh iomann do Dhia agus na príosúnaigh eile ag éisteacht leo.

Rómhánaigh 12:12

Bígí suairc le dóchas, seasmhach faoi thrioblóid, ag guí gan staonadh,

Rómhánaigh 5:11

Agus ní hé sin amháin é, ach táimid mórálach as Dia trínár dTiarna Íosa Críost, an té a ghnóthaigh an t‑athmhuintearas sin anois dúinn.

2 Corantaigh 1:12

Is é seo ár gcúis mhórála: fianaise ár gcoinsiasa go raibh ár n‑iompar de réir naofacht agus ionracas Dé os comhair an tsaoil, go háirithe inár gcaidreamh libhse; agus ní ar eagna dhaonna a bhíomar ag brath ach ar ghrásta Dé.

2 Corantaigh 1:5

Óir má fhaighimid flúirse de pheannaidí Chríost, faighimid flúirse sóláis ó Chríost chomh maith céanna.

2 Corantaigh 6:10

Tá ainm an bhróin orainn agus sinn i gcónaí lúcháireach; tá ainm an bhochtanais orainn agus sinn ag saibhriú na sluaite; tá ainm an dealúis orainn agus an uile ní inár seilbh againn.

1 Peadar 4:13

Ach bíodh áthas oraibh sa mhéid go bhfuil sibh páirteach i bpáis Chríost, ionas go mbeadh áthas agus lúcháir oraibh freisin nuair a fhoilseofar a ghlóir.