Seanfhocal 15:1

An Bíobla Naofa 1981

Cuireann freagra séimh an fhearg ar gcúl, ach músclaíonn briathra borba cuthach.

Tagairtí Cros

2 Samúéil 19:43

Thug fir Iúdá go léir freagra ar fhir Iosrael; “Mar gur gaire é gaol an rí linne. Cén fáth mar sin a bhfuil fearg oraibh ina thaobh seo? Ar chaitheamar bia ar chostas an rí? Ar thug sé bronntanas ar bith dúinn?”

1 Ríthe 12:7

Dúirt siad leis: “Déan freastal ar an bpobal seo inniu, agus bí mar a bheadh seirbhíseach acu, labhair go lách leo, agus beidh siad mar sheirbhísigh agat go deo.”

2 Croinicí 10:7

“Má bhíonn tú cneasta leis an bpobal seo,” ar siad, “agus má bhíonn tú lách leo, agus má bhíonn tú cóir leo, beidh siad mar sheirbhísigh agat go deo.”

Iób 41:3

Cé a d'fhéadfadh é ionsaí agus teacht slán? Ní fhéadfadh neach faoin spéir.

Seanfhocal 10:12

Gineann fuath achrann, ach cuireann an grá brat thar gach cóir.

Seanfhocal 15:18

Adhnann an duine lasánta achrann, ach réitíonn an duine sochma aighneas.

Seanfhocal 25:15

Is féidir breitheamh a bhogadh le foighne; briseann béal bán cnámh.

Seanfhocal 28:25

Spreagann an santach achrainn; an té a bhfuil a mhuinín aige as an Tiarna, beidh an rath air.

Seanfhocal 29:22

Adhnann an fear drochmhianaigh achrann, agus is cúis mhór peaca fear na feirge.

Seanfhocal 29:8

Déanann scigirí cíor thuathail de chathracha, ach cuireann saoithe srian le fearg.