Seanfhocal 14:23

An Bíobla Naofa 1981

Bíonn toradh ar gach saothar; níl de bharr cainte gan éifeacht ach an ghannchúis.

Tagairtí Cros

Iób 28:10

Gearrann sé tolláin trí na carraigeacha, Agus é ag faire amach do gach sort seoide.

Seanfhocal 10:10

An té a luíonn súil, adhnann sé aighneas, [ach an té a cheartaíonn go dána, déanann sé síocháin].

Seanfhocal 12:24

Údarás is dual don láimh bhríomhar; ach saothar éigeantach is dual don leisciúil.

Seanfhocal 14:22

Nach bhfuil breall ar lucht na claonbheartaíochta? Bíonn cneastacht agus dílse i ndán do lucht na scéimeanna córa.

Seanfhocal 14:24

Coróin na ngaoismhear a ngaois, an bhaois a bhíonn mar chraobh ag na baotha.

Seanfhocal 28:19

Beidh flúirse aráin ag an té a shaothraíonn a chuid talún, ach raidhse bochtaine ag an té a leanann beartais bhaotha.

Cóheilit 3:9

Cén tairbhe a bhaineann duine as an dúthracht a chaitheann sé lena chuid oibre?

Cóheilit 5:3

Nuair a thugann tú móid do Dhia, ná cuir a comhlíonadh ar cairde mar ní thaitníonn amadáin leis. Comhlíon a bhfuil móidithe agat.

Eoin 6:27

Ná saothraigí an bia a théann amú, ach saothraigí an bia a mhaireann chun na beatha síoraí, é siúd a thabharfaidh Mac an Duine daoibh. Óir is air sin a chuir Dia an tAthair a shéala.”

1 Tiomóid 5:13

San am céanna tosaíonn siad ag gabháil timpeall díomhaoin ó theach go teach, agus ní díomhaoin amháin a bhíonn siad ach iad ag suainseán agus ag gobaireacht agus ag caint ar nithe nach cuí.