Seanfhocal 14:17

An Bíobla Naofa 1981

Déanann an duine teasaí bearta baotha, ach bíonn foighne ag fear na tuisceana.

Tagairtí Cros

2 Ríthe 5:12

Nach fearr iad an Abáná agus an Farpar, aibhneacha na Damaisce, ná a bhfuil d'uiscí in Iosrael chun go nífinn mé féin iontu agus go nglanfaí mé.” Dá bhrí sin thiontaigh sé agus d'imigh agus é ar buile.

Seanfhocal 12:16

Ní dhéanann an t‑amadán aon mhoill ach a fhearg a thaispeáint; ach ní thógann an duine ciallmhar ceann d'achasán.

Seanfhocal 12:2

Bíonn gnaoi an Tiarna ar an duine cóir, ach daorann sé fear na ndrochbheart.

Seanfhocal 14:16

Bíonn fear na céille gaoismhear ach bíonn an t‑amadán gan smacht gan aire.

Seanfhocal 14:18

Bíonn seilbh ag na hamadáin ar an mbaois, ach bíonn eolas mar choróin ag lucht na gaoise.

Seanfhocal 14:29

Is mór é tuiscint an té atá mall chun feirge; is [measa ná baoth] an fear lasánta.

Seanfhocal 15:18

Adhnann an duine lasánta achrann, ach réitíonn an duine sochma aighneas.

Seanfhocal 16:32

Is fearr an duine stuama ná an gaiscíoch tréan; agus an té atá ina mháistir air féin ná an té a dhéanann cathair a ghabháil.

Seanfhocal 20:3

Is onóir do dhuine aighneas a sheachaint, ach beidh gach amadán ag achrann.

Seanfhocal 22:24

Ná déan muintearas leis an té atá tugtha don fhearg, agus ná bíodh caidreamh agat ar fhear drochmhianaigh,

Seanfhocal 29:22

Adhnann an fear drochmhianaigh achrann, agus is cúis mhór peaca fear na feirge.

Seanfhocal 6:18

Croí a bheartaíonn cealga, cosa a bhrostaíonn chun an oilc,

Cóheilit 7:9

Ná bí teasaí taghdach, mar is in ucht amadáin a lonnaíonn an fhearg.

Íseáia 32:7

Maidir leis an gcaimiléirí, tá a chaimiléireacht mallaithe; bíonn sé ag ceapadh seifteanna chun na bochtáin a mhilleadh le bréaga, fiú agus an ceart ag cúis na ndearóile;

Séamas 1:19

Bíodh a fhios agaibh an méid seo, a bhráithre ionúine: tugadh gach duine cluas le héisteacht le fonn, ach bíodh sé mall chun cainte agus mall chun feirge,