Seanfhocal 13:9

An Bíobla Naofa 1981

[Lonraíonn] lóchrann an fhíréin, ach tagann múchadh ar lampa an urchóidigh.

Tagairtí Cros

1 Ríthe 11:36

Ach tabharfaidh mé aon treibh amháin dá mhac, ionas go mbeidh lóchrann i mo láthair i gcónaí ag mo shearbhónta Dáiví i m'fhianaise i Iarúsailéim, an chathair a thogh mé mar áit chónaithe do m'ainm.

Iób 21:17

- An minic a mhúchtar lampa na gcoirpeach? Nó a thagann an tubaiste sa mhullach orthu? An roinneann sé pianta ina racht feirge?

Iób 29:3

Nuair a bhí a lampa ag taitneamh os mo chionn, Agus a sholas mar threoir agam sa dorchadas,

Salm 112:4

Bíonn ina sholas sa dorchacht don dea-dhuine; is trócaireach é, is fial, is ionraic.

Salm 97:11

Tá solas á nochtadh don fhíréan, agus lúcháir do lucht an chroí dhírigh.

Seanfhocal 13:10

Leanann aighneas stuacacht na n‑éaganta; ach is ag lucht leanta na comhairle atá an eagna.

Seanfhocal 13:8

Fuasclaíonn a mhaoin an saibhir, ach níl [sás a ghill] ag an daibhir.

Seanfhocal 20:20

Má chuireann duine mallacht ar athair nó ar mháthair, múchfar a lóchrann faoi dhorchadas dubh.

Seanfhocal 24:20

Óir níl aon ní i ndán don drochdhuine agus múchfar lóchrann an urchóidigh.

Seanfhocal 4:18

Tá bealach na bhfíréan mar an láchan, agus a solas ag dul i ngile go hard an lae.

Eizicéil 32:7

Nuair a scriosfaidh mé thú clúdóidh mé na spéartha, agus dorchóidh mé na réaltaí; cuirfidh mé smúid ar an ngrian le scamall agus ní thabharfaidh an ghealach a solas.

Uimhreacha 27:4

Cén fáth go gcaillfí ainm ár n‑athar ar a fhine? Ó bhí sé gan mhac, tabhair sealúchas éigin dúinne i measc a bhráithre gaoil.”

Matha 22:13

Ansin dúirt an rí leis an lucht freastail: ‘Cuirtear ceangal cos agus lámh air agus caítear amach sa dorchadas é: is ann a bheidh gol agus díoscán fiacla.’

Matha 25:8

Ach dúirt na mná gan tuiscint leis na mná ciallmhara: ‘Tugaigí dúinn braon de bhur n‑olasa, mar tá ár lampaíne in éag.’