Seanfhocal 13:8

An Bíobla Naofa 1981

Fuasclaíonn a mhaoin an saibhir, ach níl [sás a ghill] ag an daibhir.

Tagairtí Cros

2 Ríthe 24:14

Thug sé Iarúsailéim ar fad leis ar deoraíocht; na huachtaráin uile agus na laochra gaile uile, deich míle cime, mar aon leis na gaibhne agus leis na ceardaithe go léir; níor fágadh ina ndiaidh ach bochtáin na tíre.

2 Ríthe 25:12

D'fhág captaen an gharda cuid de bhochtáin na tuaithe chun bheith ag treabhadh agus ag saothrú na bhfíonghort.

Iób 2:4

Ansin d'fhreagair an Sátan an Tiarna agus dúirt: “Craiceann ar chraiceann! Tabharfaidh duine uaidh a bhfuil aige ar son a anama.

Eaxodus 21:30

Má éilítear éiric air, ansin díoladh sé ar son a anama cibé rud a éileofar air.

Seanfhocal 13:7

Ligeann fear gan mhaoin air a bheith saibhir, agus ligeann fear eile lena lán maoine air a bheith dealbh.

Seanfhocal 13:9

[Lonraíonn] lóchrann an fhíréin, ach tagann múchadh ar lampa an urchóidigh.

Seanfhocal 14:24

Coróin na ngaoismhear a ngaois, an bhaois a bhíonn mar chraobh ag na baotha.

Seanfhocal 6:35

Ní ghlacfaidh sé le cúiteamh, ná ní shásófar é dá mhéad a bhronnann tú air.

Irimia 39:10

D'fhág Nabúzaradán, ceann an gharda, roinnt de bhochta an phobail, nach raibh aon ní acu, i dtír Iúdá agus thug fíniúna agus garraithe dóibh.

Irimia 41:8

Bhí deichniúr fear orthu, áfach, a dúirt le hÍsmeáéil: “Ná maraigh sinne; tá stór bia i dtaisce againn faoin tuaith - cruithneacht agus eorna, ola agus mil.” Rinne sé anacal orthu, mar sin, agus níor mharaigh iad i measc a ndeartháireacha.

Zafainiá 3:12

Fágfaidh mé pobal bocht uiríseal i do lár agus lorgfaidh fuílleach Iosrael dídean in ainm an Tiarna.

Matha 16:26

Óir cá fearrde duine go ngnóthódh sé an domhan go léir dá ligfeadh sé a anam féin ar ceal? Nó cad a d'fhéadfadh duine a thabhairt mar mhalairt ar a anam?

Lúcás 12:23

Óir is mó le rá an bheatha ná an bia agus an corp ná an t‑éadach.