Seanfhocal 13:3

An Bíobla Naofa 1981

An té a chuireann faire ar a bhéal, cosnaíonn sé a bheo, ach an té a bhíonn béalscaoilteach, bíonn thiar air.

Tagairtí Cros

Salm 141:3

Cuir glas ar mo bhéal, achainím ort, a Thiarna; bí ag faire mar an gcéanna ar dhoras mo bhruas.

Salm 34:13

Cé hé an duine a shantaíonn an bheatha? agus fad saoil faoi shéan is faoi shonas?

Salm 39:1

Do stiúrthóir an chóir, .i. do “Iduthun”. Salm le Dáiví.

Seanfhocal 10:14

Cuireann lucht na heagna an t‑eolas i dtaisce; ach leanann an tubaiste go dlúth ar an mbéal baoth.

Seanfhocal 10:19

Nuair is líonmhar iad na briathra, ní bhíonn an choir in easnamh; is críonna é an té ag a bhfuil srian ar a theanga.

Seanfhocal 10:8

Géilleann croí an eagnaí do theagasc ach tá tubaiste i ndán don chabaire baoth.

Seanfhocal 12:13

Trí choireanna a bhéil féin a ghabhtar an t‑urchóideach sa ghaiste; ach tagann an fíréan slán ón tubaiste.

Seanfhocal 13:4

Bíonn an leisceoir ag tnúthán, ach ní bhíonn dada ina chomhair; ach bíonn an saothrach sáitheach.

Seanfhocal 14:3

Bíonn slat an uabhair i mbéal an amadáin, ach is díon iad a bheola don duine críonna.

Seanfhocal 18:21

Tá bás agus beatha faoi smacht na teanga; an mhuintir ar geal leo í, ní foláir dóibh a toradh a chaitheamh.

Seanfhocal 18:7

Scriosann béal an amadáin é féin, agus is gaiste dó a bheola.

Seanfhocal 20:19

Déanann an cardálaí rúin a nochtadh; ná bíodh caidreamh agat dá bhrí sin le fear na baothchainte.

Seanfhocal 21:23

An té a chuireann smacht ar a bhéal agus ar a theanga, seachnaíonn sé tubaiste.

Séamas 1:26

An té nach gcoinníonn guaim ar a theanga níl sé ach ag cur dallamullóg air féin más dóigh leis go bhfuil sé ag cleachtadh an chreidimh; is fánach é a chleachtadh creidimh.

Breithiúna 16:11

D'fhreagair sé í: “Dá gceanglófaí mé le téada nua nár úsáideadh riamh, ansin chaillfinn mo neart, agus bheinn mar aon fhear eile.”

Breithiúna 16:17

Nocht sé a rún ar fad di faoi dheireadh; dúirt sé léi: “Níor bhain rásúr riamh le mo cheann; is naizíreach do Dhia mé ó bhroinn mo mháthar. Dá mbearrfaí mo cheann, ansin chaillfinn mo neart, d'éireoinn lag, agus bheinn mar aon fhear eile.”