Seanfhocal 13:1

An Bíobla Naofa 1981

Tugann an mac eagnaí [grá] do smacht a athar; ach ní éisteann fear na fonóide le ceartú.

Tagairtí Cros

1 Ríthe 22:43

Lean sé sampla a athar Ásá gach cor den bhóthar ag déanamh an chirt i bhfianaise an Tiarna.

Seanfhocal 10:1

Cuireann mac eagnaí gliondar ar a athair; ach cúis bhróin dá mháthair amadán mic.

Seanfhocal 12:15

I súile an amadáin is ceart é a chosán; éisteann an t‑eagnaí le dea-chomhairle.

Seanfhocal 14:6

Bíonn sé fánach ag an scigire a bheith ag tóraíocht na heagna; tagann eolas go bog ar fhear na tuisceana.

Seanfhocal 15:12

Ní maith leis an scigire é a cheartú, agus ní bhíonn caidreamh aige ar lucht na heagna.

Seanfhocal 15:20

Cuireann mac ciallmhar áthas ar a athair, ach bíonn drochmheas ag amadán ar a mháthair.

Seanfhocal 15:5

Bíonn drochmheas ag an amadán ar theagasc a athar, ach is gaoismhear é an té a ghlacann le ceartú.

Seanfhocal 7:24

Éist liom anois, [a mhic], agus tabhair aird ar bhriathra mo bhéil:

1 Samúéil 2:25

Má pheacaíonn fear in aghaidh fir eile, tá Dia aige mar idirghabhálaí; ach má pheacaíonn sé in aghaidh an Tiarna, cé dhéanfaidh idirghuí ar a shon?” Ach thugadar an chluas bhodhar dá n‑athair, mar ba é toil an Tiarna iad a chur chun báis.