Seanfhocal 12:27

An Bíobla Naofa 1981

Ní bheidh aon ní don phota ag an bhfear díomhaoin; ach beidh saibhreas luachmhar ag an bhfear dícheallach.

Tagairtí Cros

Salm 37:16

Is fearr an beagán atá ag an bhfíréan ná maoin is mórshaibhreas na n‑éagráifeach;

Seanfhocal 10:4

Leanann an bhochtaine an lámh gan fhuaimint, ach tuilleann an lámh fhuinniúil maoin.

Seanfhocal 12:26

Tugann an fíréan cúl leis an urchóid; ach treoraíonn cosán na n‑urchóideach iadsan amú.

Seanfhocal 13:4

Bíonn an leisceoir ag tnúthán, ach ní bhíonn dada ina chomhair; ach bíonn an saothrach sáitheach.

Seanfhocal 15:16

Is fearr an builín beag agus eagla an Tiarna ná an builín mór agus buairt dá réir.

Seanfhocal 16:8

Is fearr an beagán agus an chóir ná an mórán agus an éagóir.

Seanfhocal 23:2

Cuir scian chun do scornaí, má tá luí le craos agat.

Seanfhocal 26:14

Dála na comhla a chasann ar a tuislí, casann an leisceoir ina leaba.

Seanfhocal 26:15

Tumann an leisceoir a chrobh sa mhias ach tá sé róthraochta le hé a bhreith chun a bhéil.