Seanfhocal 10:21

An Bíobla Naofa 1981

Beathaíonn béal an fhíréin mórán daoine, ach faigheann amadáin bás le díth céille.

Tagairtí Cros

Iób 23:12

Níor chlaon mé ó aithne a bheola, Agus thaiscigh mé briathra a bhéil.

Salm 37:30

Bíonn béal an fhíréin ag labhairt eagna agus canann a theanga an ceart;

Seanfhocal 1:29

Óir bhí fuath acu don eolas, agus níorbh é eagla an Tiarna ba rogha leo.

Seanfhocal 1:31

Uime sin ní foláir dóibh torthaí a gcúrsaí féin a chaitheamh, agus masmas a chur orthu féin lena mbearta féin.

Seanfhocal 1:32

Óir maraíonn a dtuathail féin an mhuintir shaonta, agus scriostar na hamadáin trína sástacht féin.

Seanfhocal 10:11

Is fionse beatha é béal an fhíréin, ach bíonn foréigean i bhfolach i mbéal an urchóidigh.

Seanfhocal 12:18

Tá duine ann ar geall le sá claímh a mhearbhriathra; ach bíonn cneasú á iompar ag teanga an eagnaí.

Seanfhocal 15:4

Crann beatha í teanga shéimh, ach briseann an urchóid inti an croí.

Seanfhocal 15:7

Scaipeann beola na saoithe eolas; ní mar sin le croí na n‑amadán.

Seanfhocal 17:16

Cén tairbhe airgead i láimh an amadáin le gaois a cheannach, agus é gan chiall?

Seanfhocal 5:12

Agus déarfaidh tú: “Nach agam a bhí fuath don smacht! agus an drochmheas i mo chroí agam ar gach ceartú.

Seanfhocal 5:2

Le go mbeadh críonnacht agus eolas do do chosaint, agus iad mar gharda ar do bheola.

Seanfhocal 5:23

Faigheann sé bás cheal smachta, agus téann sé amú le barr baoise.

Seanfhocal 6:32

Ach níl splinc céille ag an adhaltrach; déan mar é, agus scriosfaidh tú thú féin.

Cóheilit 12:11

Broid is ea briathra na saoithe agus is cosúil le tairní dea-dhaingnithe an díolaim seanráite a thug an t‑aon aoire amháin uaidh.

Íseáia 5:13

Dá bharr sin seolfar mo mhuintir ar deoraíocht de cheal tuisceana, a n‑uaisle stiúgtha ag an ocras, agus an slua spalptha le tart.

Irimia 15:16

Nuair a tháinig do bhriathra, d'ith mise iad. Bhí do bhriathar ina ghairdeachas agus ina lúcháir do mo chroí; óir gaireadh d'ainmse orm, a Thiarna, Dia na Slua.

Irimia 3:15

Tabharfaidh mé aoirí daoibh de réir mo chroí a bheathóidh sibh le heolas agus le tuigse.

Hóisé 4:6

Cheal eolais tá mo phobal á ndíothú. Ó chaith tusa uait an t‑eolas, caithfidh mise uaim thú as mo shagartacht; agus ó lig tusa teagasc do Dhé i ndíchuimhne, ligfidh mise do chlann i ndíchuimhne chomh maith.

Matha 12:35

Tógann an dea-dhuine dea-nithe amach as a dhea-stór, agus tógann an drochdhuine drochnithe amach as a dhrochstór.

Matha 13:19

Duine ar bith a chluineann briathar na ríochta agus nach dtuigeann é, tagann Fear an Oilc agus sciobann sé leis an ní a cuireadh ina chroí: agus sin é an duine a ghlac an síol le hais an bhóthair.

Rómhánaigh 1:28

Toisc nárbh fhiú leo Dia a choinneáil ar a n‑aithne, d'fhág Dia iad gan stuaim, sa tslí go ndéanfaidís nithe nach cuí;

1 Peadar 5:2

Déanaigí tréad Dé atá faoi bhur gcúram a aoireacht; ná tugaigí aire dó le foréigean ach le fonn, mar is toil le Dia, ná le dúil tháir san airgead ach le dúthracht,