Salm 94:2

An Bíobla Naofa 1981

Éirigh! tabhair breithiúnas ar an talamh; tabhair a ndíol do lucht an díomais.

Tagairtí Cros

Geineasas 18:25

Go mba fhada uait a leithéid a dhéanamh, an fíréan a chur chun báis mar aon leis an gciontach; d'fhágfadh sin an íde chéanna á tabhairt ar an bhfíréan agus ar an gciontach! I bhfad uait a leithéid! An amhlaidh nach ndéanfaidh breitheamh an domhain uile an ceart?”

2 Croinicí 20:12

Nach ndéanfaidh tusa, ár nDia, breithiúnas orthu, mar nach bhfuil aon neart ionainn in aghaidh an tslua ábhalmhóir seo atá ag teacht inár gcoinne. Ní eol dúinn cad tá le déanamh againn, ach tá ár n‑aird go léir ortsa!”

Salm 31:23

Dúirt mé tráth agus scaoll orm: “Díbríodh as do radharc mé.” Ach d'éist tú le glór mo ghuí nuair a ghlaoigh mé ort.

Salm 50:6

Foilsíonn na flaithis a fhíréantacht óir is é Dia é féin is breitheamh.

Salm 68:1

Do stiúrthóir an chóir. Salm Dháiví. Amhrán.

Salm 7:6

go leana mo namhaid mé is go mbeire sé orm, go ngabha sé de chosa i m'anam, is go leaga sé m'oineach sa luaithreach.

Salm 74:22

Éirigh, a Dhia, agus tagair do chúis; cuimhnigh mar a mhaslaíonn an t‑éagráifeach gach lá thú.

Salm 82:8

Éirigh, a Dhia! tabhair breith ar an talamh; óir is leat na ciníocha go léir.

Íseáia 10:12

Nuair a bheidh a shaothar críochnaithe ag an Tiarna ar Shliabh Shíón agus in Iarúsailéim, smachtóidh sé toradh an díomais i gcroí rí na hAsaíre agus sotal a shúile dána.

Íseáia 2:17

Ísleofar an t‑uabhar daonna, tabharfar béim síos do dhíomas an duine. Is é an Tiarna amháin a ardófar, an lá sin,

Íseáia 37:23

Cé dhó ar thug tú masla agus aithis? Cé ina choinne ar labhair tú in ard do chinn agus ar bhreathnaigh tú suas go sotalach? I gcoinne Neach Naofa Iosrael!

Íseáia 37:29

Ó tharla gur thug tú aghaidh do chraois orm agus gur tháinig do shotal fad le mo chluasa, cuirfidh mé fáinne i do shrón agus mo bhéalbhach le do bheola, agus déanfaidh mé thú a chinnireacht ar ais, siar an bealach a tháinig tú!

Míocá 5:9

An lá sin - a deir an Tiarna - dísceoidh mé na capaill atá agat agus scriosfaidh mé do chuid carbad.

2 Corantaigh 5:10

Mar ní mór dúinn go léir teacht os comhair suí breithimh Chríost chun go bhfaighidh gach duine againn luach an tsaothair a bheidh déanta sa chorp againn, bíodh sé olc nó maith.

1 Peadar 5:5

Mar an gcéanna libhse is óige ná sin, bígí umhal do na seanóirí. Cuirigí umaibh, gach duine agaibh, an umhlaíocht i leith a chéile, mar “cuireann Dia in aghaidh lucht an uabhair, ach bronnann sé a ghrásta ar lucht na humhlaíochta.”