Salm 71:16

An Bíobla Naofa 1981

Fógróidh mé móréachtaí an Tiarna; d'fhíréantachtsa amháin a fhoilseoidh mé.

Tagairtí Cros

Salm 106:2

Cé ar féidir leis éachtaí an Tiarna a fhógairt? cé a chraolfaidh a mholtaí go léir?

Salm 29:11

Tabharfaidh an Tiarna neart dá phobal; beannóidh sé a phobal le síocháin.

Salm 51:14

Tabhair ar ais dom áthas do shlánaithe agus tabhair spiorad na díograise mar thaca dom.

Salm 71:15

Fógróidh mo bhéal d'fhíréantacht agus do chúnamh ó lá go chéile óir ní fios dom a líon ná a n‑áireamh.

Salm 71:19

Síneann d'fhíréantacht chun na bhflaitheas, a Dhia, is éachtach iad na nithe a rinne tú. A Dhia, cé is comhionann leatsa?

Salm 71:2

Fuascail mé i d'fhíréantacht agus saor mé; claon chugam do chluas agus tarrthaigh mé.

Salm 71:24

Beidh mo theanga ag trácht ar d'fhíréantacht i gcaitheamh an lae ar fad, toisc gur cuireadh nuar agus náire ar an drong atá ar tí mo dhíobhála.

Íseáia 26:13

A Thiarna, a Dhia linn, bhí réim ag tiarnaí seachas tú féin orainn ach ní aithnímid ach tusa feasta, ní aithnímid ach d'ainmse amháin.

Íseáia 40:31

Ach an dream a bhfuil a súil leis an Tiarna, tagann neart úr iontu, éiríonn siad ar eití mar a bheadh iolair. Ritheann siad gan a bheith cortha, siúlann siad rompu gan tuirse a theacht orthu.

Íseáia 63:7

Is mian liom comharthaí caoindúthrachta an Tiarna a aithris, agus éachtaí an Tiarna a fhógairt, gach a ndearna an Tiarna ar ár son agus a iolmhaitheasa i leith teaghlach Iosrael, gach ar bhronn sé orthu le barr dáimhe agus ilchomharthaí a chaoindúthrachta.

Zacairia 10:12

Neartóidh mé sa Tiarna iad agus gluaisfidh siad ar aghaidh ina ainm, a deir an Tiarna.

Matha 6:33

Ach déanaigí ríocht Dé agus a fhíréantacht a lorg ar dtús, agus tabharfar na nithe sin uile daoibh chomh maith.

Rómhánaigh 1:17

mar is ann atá fíréantacht Dé á foilsiú ó chreideamh go creideamh, de réir mar atá scríofa: “Ar chreideamh is ea a mhairfidh an fíréan.”

Rómhánaigh 10:3

Mar nuair nár aithin siad fíréantacht Dé ach iad ag iarraidh a bhfíréantacht féin a bhunú, níor ghéill siad d'fhíréantacht Dé.

Rómhánaigh 3:21

Anois, áfach, tá fíréantacht Dé arna nochtadh gan spleáchas leis an dlí ach go bhfuil an dlí agus na fáithe ina bhfianaise uirthi.

Eifisigh 3:16

Go dtuga sé daoibh as ollmhaitheas a ghlóire go bhfaighidh sibh neart agus cumas inmheánach trína Spiorad,

Eifisigh 6:10

Mar bhuille scoir, téigí i neart sa Tiarna le fuinneamh a chumhachta.

Deotranaimí 33:25

Bíodh do bholtaí d'iarann agus de phrás agus do neart comhfhad le do ré.

Filipigh 3:9

agus mé a bheith aontaithe leis. Ní hí m'fhíréantacht féin atá anois agam, is é sin le rá an fhíréantacht a ghabhann le comhlíonadh an dlí, ach an fhíréantacht a ghabhann le creideamh i gCríost, an fhíréantacht a thagann ó Dhia féin agus atá bunaithe ar an gcreideamh.

Filipigh 4:13

Táim in ann gach ní a dhéanamh le cabhair an té úd a thugann neart dom.

2 Teasalónaigh 1:6

agus ar an gcuma chéanna níl ann ach an ceart go ndéanfadh Dia a ndíol féin den leatrom a thabhairt dóibh siúd atá ag déanamh leatroim oraibhse

2 Tiomóid 2:1

Dá bhrí sin, a mhic, bí láidir le cabhair ghrásta Chríost Íosa.