Salm 22:4

An Bíobla Naofa 1981

Ar a shon sin, is naofa thú, a Thiarna, agus tú i d'ábhar molta ag Iosrael.

Tagairtí Cros

Geineasas 15:6

Agus chreid seisean an Tiarna agus mheas an Tiarna é sin mar fhíréantacht aige.

Geineasas 32:28

“Ní Iacób a bheidh ort feasta,” ar sé, “ach Iosrael, óir mar a bhí tú tréan in aghaidh Dé, beidh an lámh láidir agat ar dhaoine.”

2 Croinicí 5:13

Iad siúd a sheinn an stoc agus a chan, mholadar agus mhóradar an Tiarna d'aonghuth. Thógadar a nglór i gcomhcheol leis an stoc agus leis an gciombal agus leis na gléasanna ceoil agus mholadar an Tiarna: “Óir is maith é, agus maireann a bhuanghrá de shior,” líon néal an sanctóir, is é sin, Teampall an Tiarna.

Eaxodus 14:31

Chonaic Iosrael an t‑éacht groí a rinne an Tiarna ar na hÉigiptigh agus thugadar ómós don Tiarna; chreideadar sa Tiarna agus i Maois a shearbhónta.