Salm 19:8

An Bíobla Naofa 1981

Tá dlí an Tiarna gan cháim: athbheonn sé an t‑anam. Is iontaofa í fianaise an Tiarna, a thugann eagna don fhíréan.

Tagairtí Cros

Geineasas 26:5

Óir bhí Abrahám umhal do mo ghlór agus rinne sé mo réir, chomhlíon sé m'aitheanta agus mo reachtanna agus mo dhlíthe.”

2 Ríthe 17:37

Leanaigí a reachtanna agus a ghnásanna, an dlí agus na haitheanta a scríobh sé daoibh, agus atá le comhlíonadh agaibh i gcónaí go beacht. Ná tugaigí ómós d'aon déithe eile,

Nihimiá 8:12

Agus d'imigh an pobal go léir leo a ithe agus a ól agus a thabhairt scaireanna uathu agus a dhéanamh gairdis toisc gur thuig siad brí na nithe a fógraíodh dóibh.

Nihimiá 9:13

Tháinig tú anuas ar Chnoc Shíonái, Agus labhair tú leo ó na flaithis. Thug tú dóibh treoracha córa, Dlíthe cinnte, Reachtanna agus aitheanta maithe.

Salm 105:45

i dtreo go gcoimeádaidís a reachtanna; agus go gcomhlíonaidís a dhlíthe. Alleluia.

Salm 111:7

Is dílis agus is cóir iad a oibreacha; is daingean iad a aitheanta go léir.

Salm 119:105

Is lóchrann do mo chosa do bhriathar; is solas do mo chosán é.

Salm 119:12

Is beannaithe atá tú, a Thiarna; múin do reachtanna dom.

Salm 119:121

Chleachtaigh mé an ceart agus an chóir; ná tabhair suas do lucht leatroim mé.

Salm 119:128

Is uime a chloígh mé le do phroiceapta uile, toisc gur fuath liom gach bréagshlí.

Salm 119:130

Tugann foilsiú do bhriathair solas dom, agus teagasc do lucht aineolais.

Salm 119:14

Gairdím i slí d'fhorálacha amhail san uile shaibhreas.

Salm 119:143

Tháinig anuas orm diachair agus dochraide; faighim m'aoibhneas i d'aitheantasa.

Salm 119:16

Tabharfaidh mé taitneamh do do reachtanna; ní dhéanfad dearmad ar do bhriathra.

Salm 119:171

Go dtuga mo bhruasa moladh duit; nuair a mhúinfidh tú do reachtanna dom.

Salm 119:24

Óir is iad d'fhorálacha m'aoibhneas; is iad do reachtanna mo chomhairleoirí.

Salm 119:40

Féach, is mian liom do phroiceapta; tabhair dom an bheatha i d'fhíréantacht.

Salm 119:54

Bíonn do reachtanna ina n‑amhrán agam, in áit mo dheoraíochta.

Salm 119:80

Go raibh mo chroí go foirfe i do reachtanna, ionas nach bhfaighinn mo náiriú.

Salm 119:92

Murach gurb aoibhinn liom do dhlí, gheobhainn bás i m'ainnise.

Salm 12:6

“Toisc dearóile na ndealbh agus osnaíl na mbocht éireoidh mé féin anois,” arsa an Tiarna. “Tabharfaidh mé dóibh an slánú is mian leo.”

Salm 13:3

Cá fhad a mhairfidh m'anam á bhuaireamh agus cathú i mo chroí i gcaitheamh an lae? Cá fhad a choimeádfaidh mo namhaid faoina réir mé?

Salm 40:8

ach féach, dúirt mé: “Seo ag teacht mé! i rolla an leabhair tá sé scríofa fúm

Salm 93:5

Is dearfa go deimhin do reachtanna; is do do theachsa is cuí an naofacht, a Thiarna, go brách na breithe.

Eaxodus 18:16

Nuair a bhíonn aighneas eatarthu, tagann siad chugamsa agus réitímse na heasaontais idir duine agus a chomharsa agus tugaim teagasc dóibh i dtaobh reachtanna Dé agus a bhreithiúnais.”

Seanfhocal 2:6

Óir is é an Tiarna féin a thugann an eagna, agus is as a bhéal a thagann an grinneolas agus an tuiscint.

Seanfhocal 30:5

Gach briathar a labhraíonn Dia, seasann sé trial na fírinne; is sciath é do gach duine a théann ar a choimirce.

Seanfhocal 6:23

Is lóchrann í an aithne seo agus is solas é an teagasc; is modh beatha an ceartú agus an smacht,

Íseáia 64:5

Cuireann tú fáilte roimh an dream a chleachtann an ceart agus a mbíonn cuimhne acu ort féin agus ar do bhealaí. Tá fearg ort, agus déanaimid peaca dá ainneoin sin; is fada sinn ag déanamh ceannairce i do choinne.

Irimia 15:16

Nuair a tháinig do bhriathra, d'ith mise iad. Bhí do bhriathar ina ghairdeachas agus ina lúcháir do mo chroí; óir gaireadh d'ainmse orm, a Thiarna, Dia na Slua.

Eizicéil 36:27

Cuirfidh mé mo spiorad ionaibh agus tabharfaidh oraibh siúl de réir mo reachtanna agus mo dheasghnátha a chomhlíonadh go beacht.

Rómhánaigh 3:20

Mar ní fhíréanófar duine ar bith i bhfianaise Dé as an dlí a chomhlíonadh. Óir is aithne ar an bpeaca a thagann ón dlí.

Rómhánaigh 7:22

Mar is aoibhinn liom dlí Dé i mo chroí istigh

Rómhánaigh 7:7

Cad a déarfaimid mar sin? Gur peaca é an dlí? Ní hea ar chor ar bith. Mar sin féin ní chuirfinnse eolas ar an bpeaca murach an dlí. Ní thuigfinn cad is saint ann, ach gur dhúirt an dlí “ná santaigh”.

Galataigh 2:19

Mar is tríd an dlí a fuair mise bás i leith an dlí chun go mairfinn beo i leith Dé; céasadh ar an gcrois mé in éineacht le Críost

Galataigh 3:21

An bhfuil an dlí bunoscionn le gealltanais Dé mar sin? Níl ar chor ar bith. Dá dtugtaí dlí, áfach, a mbeadh ar a chumas beatha a thabhairt, bheadh fíréantacht ag teacht ón dlí dáiríre;

Deotranaimí 16:11

Déan lúcháir i láthair an Tiarna do Dhia san áit a thoghfaidh an Tiarna do Dhia mar áitreabh dá ainm - tú féin agus do mhac agus d'iníon, do shearbhónta fir agus mná, agus an Léivíteach atá ag cur faoi i do bhailte, agus an deoraí, agus an dílleachta, agus an bhaintreach, a chónaíonn in bhur measc.

Deotranaimí 16:14

Déan lúcháir ar an bhféile seo, tú féin agus do mhac agus d'iníon, do shearbhóntaí fir agus mná, an Léivíteach, an deoraí, an dílleachta agus an bhaintreach a chónaíonn i do bhailte.