Salm 142:3

An Bíobla Naofa 1981

Déanaim mo ghearán go dian ina fhianaise; agus nochtaim m'anacra ina láthair.

Tagairtí Cros

Iób 23:10

Ach dá mbeadh eolas aige ar mo bhealaí, Dá ndéanfadh sé mé a phromhadh sa soitheach leá is mar ór a thiocfainn as.

Salm 1:6

Óir is cúram don Tiarna slí na bhfíréan, ach rachaidh slí na n‑éagráifeach ar ceal.

Salm 102:1

Urnaí an ainniseora an uair a dhoirteann sé a bhrón agus a bhuairt amach i bhfianaise an Tiarna agus é go tuirseach tnáite.

Salm 102:4

Óir tá mo laethanta ag leá amhail deatach; tá mo chnámha ar loscadh amhail tine.

Salm 140:5

Tarrthaigh mé ó láimh an urchóidigh, a Thiarna; cosain mé ar fhear an fhoréigin; is mian leo barrthuisle a bhaint asam.

Salm 141:9

Cosain mé ar an ngaiste a chuir siad i bhfearas romham; saor mé ar ribí lucht déanta na hurchóide.

Salm 143:4

Dá bhrí sin tháinig meath ar mo mheanma; agus chalcaigh mo chroí istigh ionam.

Salm 17:3

Cuardaigh mo chroí, tabhair cuairt orm san oíche, déan mo thástáil le tine agus ní bhfaighidh tú coir ionam.

Salm 22:14

Leathann siad a gcraos i mo choinne mar leon amplach agus é ag búiríl.

Salm 31:4

Óir is tú mo charraig agus mo chaiseal; seol mé agus treoraigh mé as ucht d'ainm.

Salm 56:6

Cuireann siad mo bhriathra as a ríocht i gcónaí; níl de rún acu ach dochar a dhéanamh dom.

Salm 61:2

Éist le mo ghlao, a Dhia; tabhair cluas do m'urnaí!

Salm 62:9

Cuirigí bhur ndóchas ann i gcónaí, a phobal; ligigí rún bhur gcroí leis. Is é Dia ár ndídean. Selah

Salm 77:3

Lorgaim an Tiarna in am mo bhuartha; Sínim mo lámha chuige gan sos ar feadh na hoíche, agus diúltaíonn m'anam don sólás.

Irimia 18:22

Go gcluintear scread maidine as a dtithe nuair a bheireann tusa foghlaithe go tobann orthu. Óir thochail siad clais ghafa do mo ghabháilse; d'fholaigh siad líonta do mo chosa.

Leabhar na n-Olagón 2:19

Éirigh! Glaoigh amach san oíche i dtús gach seala faireacháin! lig do racht bróin amach mar thuile i láthair an Tiarna! Ardaigh chuige do lámha ar son bheatha do leanaí óga, (atá ag titim i laige le hocras ag béal gach uile shráide).

Matha 22:15

D'imigh na Fairisínigh ansin ag déanamh comhairle le chéile chun go mbéarfaidís i ngaiste air sa chaint,