Salm 141:2

An Bíobla Naofa 1981

Go n‑éirí m'urnaí mar thúis i d'fhianaise; go raibh ardú mo lámh mar íobairt tráthnona.

Tagairtí Cros

1 Ríthe 18:36

Ag tráth ofrála na habhlainne sheas Éilias fáidh chun tosaigh: “A Thiarna, a Dhia Abrahám, Íosác agus Iosrael,” ar seisean, “tabhair le fios dóibh inniu gur tusa is Dia in Iosrael agus gur mise do shearbhónta, agus go ndéarna mé na rudaí seo uile ar ordú uaitse.

Eazrá 9:4

Agus gach n‑aon a chuir briathra Dé Iosrael ar ballchrith, chruinnigh siad i mo thimpeall toisc mídhílseacht seo na ndeoraithe a d'fhill. Ach maidir liomsa, bhí mé i mo shuí ansiúd in anbhainne go tráth íobairt an tráthnóna.

Salm 134:2

Tógaigí bhur lámha chun an tsanctóra; agus déanaigí an Tiarna a mholadh.

Salm 28:2

Éist le glór mo ghuí is mé ag éamh ort a iarraidh do chúnaimh, ‘s mé ag tógáil mo lámh chugat, a Thiarna, i dtreo do shanctóra naofa.

Salm 5:3

Claon chun glór mo ghuí, a Rí liom is a Dhia!

Salm 63:4

De bhrí gur fearr ná an bheatha féin do bhuanghrá, canfaidh mo bheola do mholadh.

Eaxodus 29:39

Ofrálfaidh tú uan ar maidin agus an t‑uan eile tráthnóna;

Eaxodus 35:15

altóir na túise lena cuaillí, an criosma agus an túis chumhra agus an scáthlán don doras ar an tslí isteach sa bhoth;

Seanfhocal 15:8

Is gráin leis an Tiarna íobairt an urchóidigh; is gean leis urnaí an fhíréin.

Malaicí 1:11

Óir, ó éirí go luí na gréine is mór é m'ainm i measc na náisiún agus i ngach áit dóitear íobairt do m'ainm - toirbhirt ghlan; mar is mór é m'ainm i measc na náisiún, a deir Tiarna na Slua.

Uimhreacha 16:35

Tháinig lasair anuas ón Tiarna agus loisc sé an dá chead caoga fear ag ofráil na túise.

Gníomhartha 3:1

Bhí Peadar agus Eoin lá ag dul suas chun an Teampaill i gcomhair urnaithe an tráthnóna

1 Tiomóid 2:8

Ba mhaith liom, dá bhrí sin, go mbeadh na fir ag guí gach uile áit agus a lámha tógtha acu go hómósach, gan fearg ná aighneas.

Apacailipsis (Taispeántadh) 5:8

Agus nuair a thóg sé an scrolla, shléacht na ceithre dúile beo agus an ceathrar seanóirí fichead go talamh os comhair an Uain, agus ag cách díobh bhí cruit agus cuach óir lán de thúis - urnaithe na naomh is é sin.