Salm 121:3

An Bíobla Naofa 1981

Nár lige sé duit tuisliú go deo; nár dhéana do gharda codladh.

Tagairtí Cros

Salm 127:1

Amhrán Oilithreach. Le Solamh. 1 Mura ndéana an Tiarna an teach a thógail, is saothar amú é do lucht a thógála. Mura ndéana an Tiarna an chathair a chosaint, is díomhaoin don gharda bheith á faire.

Salm 41:2

Is méanar don té ar cúram leis an dealbh is an daibhir; saorfaidh an Tiarna é in am na buartha.

Salm 55:23

Caith do chúram ar an Tiarna agus déanfaidh sé taca duit; ní leomhfaidh sé go mbainfear barrthuisle as an bhfíréan go brách.

Salm 66:9

Óir is é a thug beatha dár n‑anam agus nár lig dár gcosa bheith ag tuisliú.

Salm 91:12

Iompróidh siad thú lena lámha sula mbuailfeá do chos in aghaidh cloiche.

Seanfhocal 2:8

Cosnaíonn sé cosáin na córa; cumhdaíonn sé bealach na ndaoine a bhíonn dílis dó.

Seanfhocal 3:23

Tabharfaidh tú do bhóthar ort gan bhaol, agus ní bhainfear tuisle as do chosa.

Seanfhocal 3:26

Óir is é an Tiarna a bheidh agat mar urra, agus a shaorfaidh do chéimeanna ón ngaiste.

Íseáia 27:3

Mise, an Tiarna, atá i mo chaomhnóir air; bím de shíor ag coinneáil uisce leis ar eagla go dtitfeadh a dhuilliúr; de lá agus d'oíche bím á chaomhnú.

1 Peadar 1:5

Tá sibh anois do bhur gcumhdach tríd an gcreideamh ag Dia na bhfeart, le haghaidh an tslánaithe atá réidh lena fhoilsiú ag deireadh ré.

1 Samúéil 2:9

Cumhdóidh sé a dhílsigh ar a mbealach; Ach scriosfar na ciontaigh sa dorchadas, Óir ní bheidh an bua ag aon duine trí láimh láidir.