Lúcás 15:22

An Bíobla Naofa 1981

Ach dúirt an t‑athair lena sheirbhísigh: ‘Beirigí amach gan mhoill an éide is uaisle agus cuirigí air í, agus cuirigí fáinne ar a mhéar agus cuaráin ar a chosa,

Tagairtí Cros

Geineasas 41:42

agus bhain Forann an fáinne dá láimh féin agus chuir ar láimh Iósaef é agus chuir fallaing de línéadach mín air agus slabhra óir timpeall a mhuiníl.

Salm 132:16

Gléasfaidh mé a shagairt le slánú, agus beidh a chuid fíréan ag canadh go meidhreach.

Salm 132:9

Go raibh éadaí na fíréantachta ar do shagairt; go raibh do naoimh ag canadh go meidhreach.

Salm 18:33

An Dia a chrioslaigh mé le calmacht agus a rinne mo bhealach sábháilte;

Salm 45:13

Tiocfaidh muintir na Tuíre le tabhartais chugat ‘s beidh lucht rachmais an phobail ag iarraidh do pháirte.

Laoi na Laoithe 7:1

Fill, fill, a Shiúlamach, fill, fill, go bhfeicfimid thú. Cad d'fheicfeadh sibh sa tSiúlamach ach rince an dá fhoireann?

Íseáia 61:10

“Gáirim le gairdeas sa Tiarna, tá lúcháir ar m'anam i mo Dhia. Óir chuir sé an slánú umam ina éadach, rinne sé mé a chuachadh i mbrat na fíréantachta, ar nós buachaill óg ag cur bláthfhleasc air chun a phósta nó brídeach á maisiú féin lena seoda.

Lúcás 15:21

Dúirt an mac leis: ‘A athair, pheacaigh mé in aghaidh na bhflaitheas agus i do láthairse; ní fiú mé feasta go dtabharfaí mac duit orm.’

Lúcás 15:23

agus tugaigí libh an lao biata agus maraígí é, agus bímis ag ithe agus ag aoibhneas;

Rómhánaigh 13:14

Agus cuirigí oraibh an Tiarna Íosa Críost mar éide agus ná bígí ag déanamh cúraim den cholainn d'fhonn a hainmhianta a shásamh.

Rómhánaigh 3:22

Trí chreideamh in Íosa Críost téann an fhíréantacht seo Dé i gcion ar an uile dhuine a bhfuil an creideamh aige. Níl aon dealú ann,

Rómhánaigh 8:15

Óir, an spiorad a fuair sibh ní spiorad na daoirse é chun eagla a chur oraibh athuair ach spiorad na clainne trína nglaoimid “Abba! Athair.”

Galataigh 3:27

Gach duine agaibh a baisteadh i gCríost, tá Críost curtha uime aige mar éide.

Eifisigh 6:15

agus fonn leata dea-scéal na síochána mar bhróga ar bhur gcosa agaibh.

Deotranaimí 33:25

Bíodh do bholtaí d'iarann agus de phrás agus do neart comhfhad le do ré.

Apacailipsis (Taispeántadh) 19:8

Deonaíodh di í féin a ghléasadh i línéadach mín geal glioscarnach” (óir is iad oibreacha fíréantachta na naomh an línéadach mín).

Apacailipsis (Taispeántadh) 2:17

An té a bhfuil cluas air, éisteadh sé lena bhfuil á rá ag an Spiorad leis na heaglaisí: An té a bheireann bua tabharfaidh mé dó cuid den mhana folaigh; agus tabharfaidh mé dó cloch gheal agus ainm nua scríofa ar an gcloch, ainm nach fios d'aon duine ach don té a ghlacann é.”

Apacailipsis (Taispeántadh) 3:18

Comhairlím duit ór a cheannach uaim atá profa sa tine, chun go mbeifeá saibhir; agus éidí geala le cur ort chun nár léir náire do bhall nocht; agus uinnimint le do shúile a ungadh chun go mbeadh radharc agat.

Apacailipsis (Taispeántadh) 6:11

Ansin tugadh éide gheal do gach duine díobh agus dúradh leo feitheamh go fóillín go gcomhlíonfaí líon a gcomhsheirbhíseach agus a mbráithre a bhí le cur chun báis, a ndála féin.

Apacailipsis (Taispeántadh) 7:9

Ina dhiaidh sin b'shiúd an mathshlua mór nárbh fhéidir d'aon duine a chomhaireamh as gach cine agus treibh agus pobal agus teanga; bhí siad ina seasamh os comhair na ríchathaoireach agus os comhair an Uain, iad gléasta in éidí geala agus craobhacha pailme acu ina lámha.