Iób 21:12

An Bíobla Naofa 1981

Canann siad le ceol tiompáin agus cláirsí, Agus bíonn siad ag rangás le poirt na feadóige.

Tagairtí Cros

Geineasas 31:27

Cén fáth ar theith tú faoi choim agus calaois a dhéanamh orm agus gan é a rá liom i dtreo go seolfainn uaim thú faoi lúcháir agus faoi chantaireacht, le tiompáin agus le cruiteanna.

Geineasas 4:21

Iúbál a ba ainm dá dheartháir, agus is uaidhsean a shíolraigh an dream go léir a sheinneann an chruit agus an phíb.

Iób 21:11

Ligeann siad dá naíonáin súgradh mar na huain, Agus dá leanaí damhas [mar na fianna].

Iób 21:13

Caitheann siad a ré faoi lúcháir, Agus téann siad síos go Seól faoi shíocháin.

Salm 150:4

Molaigí é le teampán is le rince! Molaigí é le téada ceoil is leis an bpíb!

Íseáia 22:13

Ina ionad sin, siamsa atá ar siúl agus sult, mairt á marú agus caoirigh á gcoscairt, feoil á halpadh agus fíon á ól; agus sibh ag ceapadh: “Ithimis agus ólaimis, mar beidh an bás againn amárach.”

Íseáia 5:12

Níl ar a n‑aire ach cláirseacha agus cruitcheol, bodhráin agus feadóga, agus fíon a gcuid meisceoireachta. Ach obair an Tiarna, is beag a n‑aird uirthi, agus a bhfuil á dhéanamh aige, imíonn sé gan fhios dóibh.