Geineasas 8:9

An Bíobla Naofa 1981

Ach ní bhfuair an colm aon áit ar a leagfadh sé a chos agus d'fhill sé ar ais air san áirc, mar bhí na huiscí ar uachtar na talún ar fad fós. Chuir [Naoi] a lámh amach, rug greim air agus thug ar ais isteach san áirc é.

Tagairtí Cros

Geineasas 8:10

Tar éis moill seacht lá eile ansin, scaoil sé an colm amach as an áirc arís.

Geineasas 8:8

Ansin scaoil sé colm uaidh amach féachaint ar thráigh na tuilte de dhroim na talún.

Salm 116:7

Glac do shuaimhneas arís, a anam liom, mar roinn an Tiarna go maith leat.

Íseáia 60:8

Cé hiad siúd ag seoladh leo ar nós na néalta, mar a bheadh colúir ag filleadh ar a gcró?

Eizicéil 7:16

Agus má théann aon chuid acu slán, beidh siad ar na sléibhte amhail coilm na ngleannta, an t‑iomlán acu ag caoineadh, gach duine i dtaobh a pheacaí féin.

Matha 11:28

“Tagaigí chugam, sibhse uile a bhfuil saothar agus tromualach oraibh, agus tabharfaidh mé faoiseamh daoibh.

Eoin 16:33

Labhair mé na nithe sin libh, chun go mbeadh síocháin agaibh ionamsa. Tá buairt agaibh sa saol, ach bíodh misneach agaibh. Tá buaite agamsa ar an saol.”

Deotranaimí 28:65

Ní bheidh suaimhneas i ndán duit i measc na gciníocha seo ná aon sos do bhonn do choise; fágfaidh an Tiarna suaitheadh ar do chroí, tuirse ar do shúile, agus gearranálaí ort.