Eaxodus 11:5

An Bíobla Naofa 1981

Gheobhaidh gach céadghin i dtír na hÉigipte bás, ó chéadghin Fhorainn, oidhre a chorónach, go céadghin na daoirsí ar chúl an mhuilinn; agus céadghin gach beithígh.

Tagairtí Cros

Salm 105:36

Bhuail sé gach céadghin ina bhfearann, céadtoradh a nirt go léir.

Salm 135:8

Bhuail sé céadghin na hÉigipte, idir dhaoine agus bheithígh in éineacht.

Salm 136:10

Bhuail sé céadghin na nÉigipteach, óir maireann a bhuanghrá go brách.

Salm 78:51

Bhuail sé gach céadghin san Éigipt; céadthoradh a nirt i gcampa Hám.

Eaxodus 12:12

Gabhfaidh mé trí thír na hÉigipte an oíche sin agus buailfidh mé gach céadghin i dtír na hÉigipte idir dhuine agus ainmhí; imreoidh mé daorbhreith ar dhéithe uile na hÉigipte; mise an Tiarna!

Eaxodus 12:29

I lár na hoíche bhuail an Tiarna gach céadghin i dtír na hÉigipte, ó chéadghin Fhorainn, oidhre a chorónach, go céadghin an chime sa charcair agus gach céadghin de chuid an eallaigh.

Eaxodus 13:15

óir nuair a dhiultaigh Forann le barr ceanndáine ligean dúinn imeacht, mharaigh an Tiarna gach céadghin i gcríocha na hÉigipte, idir chéadghin an duine agus chéadghin an ainmhí. Uime sin íobraím don Tiarna gach fireannach a chéadosclaíonn broinn; ach gach céadghin mhic liom, fuasclaím é.’

Eaxodus 4:23

Dúirt mé leat mo mhac a ligean chun siúil chun íobairt a dhéanamh dom. Ní toil leat é a ligean chun siúil. Maróidh mé do chéadghin! Sin é agat é!’ ”

Íseáia 47:2

Chuig na clocha brón leat agus meil an mhin! Scaoil díot do chaille; tóg suas do sciortaí, taispeáin do chosa, siúl tríd na haibhneacha.

Leabhar na n-Olagón 5:13

Bíonn na hógfhir ag oibriú na bró agus na garsúin ag tuisliú faoi ualaí adhmaid.

Matha 24:41

beirt bhan ag meilt bhró: tógfar bean agus fágfar bean.

Eabhraigh 11:28

Trí chreideamh cheiliúir sé an Cháisc agus dhoirt sé an fhuil ionas nach mbainfeadh scriostóir na gcéadghinte le clann Iosrael.

Breithiúna 16:21

Ghabh na Filistínigh é, bhaineadar na súile as agus thug leo síos go Gazá é. Chuireadar slabhraí cré-umha faoi agus chaith sé an t‑am ag casadh an mhuilinn sa phríosún.