Cóheilit 7:26

An Bíobla Naofa 1981

Aithním gur seirbhe ná an bás an bhean a bhfuil a croí lán de ghaistí agus de dhola agus is laincisí a lámha; an fear atá taitneamhach le Dia éalaíonn sé uaithi ach gabhfaidh sí an peacach.

Tagairtí Cros

Geineasas 19:35

Chuireadar an t‑athair ar meisce le fíon arís an oíche sin, más ea, agus d'éirigh an té a ba óige agus isteach léi agus luigh leis cé nár bhraith sé í chuige ná uaidh.

Geineasas 39:9

Ní mó de mháistir sa teach seo é ná mé féin; níor dhiúltaigh sé aon ní dom ach tú féin ós tú a bhean. Conas a d'fhéadfainnse a leithéid seo de choir ghránna a dhéanamh agus peaca a dhéanamh in aghaidh Dé?”

Eaxodus 10:7

Dúirt a shearbhóntaí le Forann ansin: “An fada a bheidh an fear seo ina chúis tranglaim againn? Lig don phobal imeacht go ndéanfaidh siad íobairt don Tiarna, a nDia. Nach bhfeiceann tú fós an íde atá imithe ar an Éigipt?”

Seanfhocal 2:16

Saorfar thú ó ghreim na mná deoranta, ón strainséir mná lena briathra bladair;

Seanfhocal 22:14

Cuithe domhain béal mná deoranta; an té a bhfuil an Tiarna i bhfearg leis, titfidh sé inti.

Seanfhocal 6:23

Is lóchrann í an aithne seo agus is solas é an teagasc; is modh beatha an ceartú agus an smacht,

Seanfhocal 6:24

Le thú a chosaint ar an drochbhean, ar theanga shéimh na mná deoranta.

Seanfhocal 9:18

Níl a fhios aige siúd go bhfuil na taisí cruinnithe anseo, go bhfuil a haíonna i ndoimhneas Seól.

Cóheilit 2:26

Mar cé hé ar féidir dó ithe ná ól ar neamhchead dó?

Cóheilit 7:27

Féach, a deir Cóheilit, tar éis dom an cheist a chíoradh, céim ar chéim, chun réiteach a fháil uirthi ar deireadh thiar fuair mé é seo amach -