Apacailipsis (Taispeántadh) 21:15

An Bíobla Naofa 1981

Agus bhí slat tomhais óir ag an té a bhí ag caint liom, chun an chathair agus a geataí agus a múr a thomhas.

Tagairtí Cros

Eizicéil 40:3

Thug sé ansin mé agus, féach, bhí fear ann a raibh cuma práis air. Bhí corda lín agus slat tomhais ina láimh aige agus é ina sheasamh sa gheata.

Zacairia 2:1

D'ardaigh mé mo shúile agus cad a chonaic mé ach ceithre adharc.

Zacairia 2:2

“Cad iad seo?” arsa mise leis an aingeal a bhí ag caint liom. “Is iad seo na hadharca atá tar éis Iúdá agus Iosrael agus Iarúsailéim a scaipeadh,” ar seisean liom.

Apacailipsis (Taispeántadh) 21:12

Agus múr mór ard ina timpeall, ar a raibh dhá gheata dhéag, agus ar na geataí bhí dhá aingeal déag, agus ainmneacha arna scríobh ar na geataí, ainmneacha dhá threibh dhéag mhac Iosrael;

Apacailipsis (Taispeántadh) 21:16

Tá an chathair arna leagan amach ina cearnóg, comhfhad comhleithead. Thomhais sé an chathair lena shlat; dhá mhíle dhéag staid; a fad, a leithead agus a hairde mar a chéile.

Apacailipsis (Taispeántadh) 21:21

Dhá phéarla dhéag an dá gheata dhéag, agus gach ceann de na geataí d'aon phéarla amháin. Ba ór glan mar ghloine ghlé sráid na cathrach.

Apacailipsis (Taispeántadh) 21:25

Ní dhúnfar a geataí sa lá - agus oíche ní bheidh ansiúd.