2 Samúéil 6:12

An Bíobla Naofa 1981

Tháinig scéala go Dáiví rí gur chuir an Tiarna a bheannacht ar theaghlach Obaed Eadóm agus ar gach ar bhain leis de bharr áirc an Tiarna. D'imigh Dáiví dá bhrí sin agus thug sé áirc Dé leis aníos ó theach Obaed Eadóm go Dúnfort Dháiví le barr lúcháire.

Tagairtí Cros

2 Samúéil 5:7

Ach ghabh Dáiví daingean Shíón, sé sin Dúnfort Dháiví.

1 Ríthe 8:1

Chruinnigh Solamh seanóirí Iosrael le chéile in Iarúsailéim chun go dtabharfaidís áirc chonradh an Tiarna aníos ó Shíón, Dúnfort Dháiví.

1 Ríthe 8:3

agus thug na sagairt an áirc suas leo,

1 Ríthe 8:4

agus Both na Teagmhála, mar aon leis na soithí naofa go léir a bhí istigh ann.

1 Croinicí 15:15

D'iompair na Léivítigh áirc Dé agus a cuaillí ar a nguaillí faoi mar a d'ordaigh Maois de réir bhriathar an Tiarna.

1 Croinicí 15:25

D'imigh Dáiví agus seanóirí Iosrael agus na ceannairí míle le háirc chonradh an Tiarna a bhreith ó theach Obaed Eadóm faoi lúcháir mhór.

1 Croinicí 16:16

An conradh a rinne sé le hAbrahám, An mionn a mhionnaigh sé le hÍosác,

1 Croinicí 26:4

Bhí clann mhac ag Obaed Eadóm: Seamaiá an chéadghin, Iahózábád an dara mac, Ióách an tríú mac, Sácár an ceathrú, Natanael an cúigiú,

1 Croinicí 26:5

Aimíéil an séú, Íosácár an seachtú, Peulataí an t‑ochtú; chuir Dia an rath air go dearfa.

2 Croinicí 5:2

Ansin chruinnigh Solamh seanóirí Iosrael agus taoisigh na dtreibheanna agus cinn finí phobal Iosrael le chéile in Iarúsailéim chun go dtabharfaidís áirc chonradh an Tiarna aníos ó Shíón, cathair Dháiví.

Matha 10:42

“Agus má thugann duine ar bith oiread is an cupán d'fhíoruisce do dhuine den mhuintir bheag seo, as ucht gur deisceabal é, ní bheidh sé gan a thuarastal a fháil.”