Matha 27:31 - Tiomna Nua 1951 (de Siúnta)

³¹ Agus nuair do bhí an magadh déanta aca, do bhaineadar an brat de, agus do chuireadar a chuid éadaighe féin air, agus do threoruigheadar amach é chum a chéasta.

An Tiomna Nua 1970 (Ó Cuinn)

³¹ Agus nuair a bhí an magadh déanta acu faoi, bhain siad an róba de, agus chuir a chuid éadaigh féin air, agus thug siad ar shiúl é lena chéasadh.

Na Ceithre Soiscéil agus Gníomhartha na n-Abstal 1943 (Pádraig Mac Giolla Cheara

³¹ Agus i ndiaidh magadh a dhéanamh faoi, bhain siad an fhallaing de, agus chuir air a chuid éadaigh féin, agus rug leo chun a chéasta é.

An Bíobla Naomhtha 1817 (Bedell)

³¹ Agus an tan do rinneadar fonámhad fáoi, do bheanadar an róba dhe, agus do chuireadar a éuduighe féin uime, agus rugadar a mach é chum a chrochda.

Na Cheithre Soisgéil agus Gníoṁartha na n-Aspol 1915 1921 (Peadar Ua Laoghaire)

³¹ Agus nuair a bhí a gcuid magaidh déanta acu bhaineadar de an clóca, agus chuireadar a chuid éadaigh féin uime, agus do rugadar leó é cun é chéasadh.

An Tiomna Nua agus Leabhar na Salm 2012

³¹ Agus tar éis dóibh fonóid a dhéanamh faoi, bhain siad de an fhallaing, chuir siad a chuid éadaigh féin air agus sheol siad leo é chun a chéasta.

Matha 27:31 Tagairtí Cros

Matha 20:19

agus do‐bhéarfaid do na Geintibh é le tarcuisniú, agus le sciúrsáil, agus le céasadh: agus, an treas lá éireochaidh sé arís.

Matha 21:39

Agus do rugadar air, agus do ruaigeadar amach as an bhfíonghort é, agus do mharbhadar é.

Matha 26:2

Atá a fhios agaibh go mbéidh an cháisc ann tar éis dá lá, agus go dtabharfar Mac an Duine suas d’á chéasadh.

Marcas 15:20

Agus nuair do bhí an magadh déanta aca do bhaineadar an chorcair dhe, agus do chuireadar a éadaighe féin air. Agus do rugadar leo é le n‐a chéasadh.

Eoin 19:16

Annsin thug sé dhóibh é le crochadh.

Eoin 19:27

Annsin adubhairt sé leis an deisceabal, Is ise do mháthair! Agus ó’n uair sin amach thug an deisceabal chum a theaghlaigh féin í.

Gníomhartha 7:58

agus do ruaigeadar as an gcathair amach é, agus do ghabhadar de chlochaibh air: agus do leag na fiadhnaidhthe a mbrait ag cosaibh fir óig darbh ainm Saul.

Eabhraigh 13:12

Ar an adhbhar sin d’fhulaing Íosa, leis, taobh amuigh de’n gheata, chum go naomhóchadh sé an pobal le n‐a fhuil féin.