Eabhraigh 11:3 - Tiomna Nua 1951 (de Siúnta)

³ Is tré chreideamh thuigmíd gur cumadh an domhan tré bhriathar Dé, ar mhodh nach de neithibh so‐fheicseanacha do rinneadh na neithe dochítear.

An Tiomna Nua 1970 (Ó Cuinn)

³ Is le creideamh a thuigimid cruthú na cruinne le briathar Dé, ina ndeamadh an sofheicthe den dofheicthe.

An Bíobla Naomhtha 1817 (Bedell)

³ As tré chreideamh thuigmíd gur crúthuigheadh an domhan tré bhréithir Dé, ionnas go ndearnadh neithe sófhaicsigh do na neithibh dófhaícsigh.

An Tiomna Nua agus Leabhar na Salm 2012

³ Trí chreideamh a thuigimid gur cruthaíodh an chruinne trí bhriathar Dé sa chaoi nach as nithe sofheicthe a rinneadh na nithe a fheicimid.

An Bíobla Naofa 1981

³ Trí chreideamh tuigimid gur cruthaíodh an chruinne trí bhriathar Dé sa chaoi nach as nithe sofheicthe a rinneadh na nithe a fheicimid.

Eabhraigh 11:3 Tagairtí Cros

Eoin 1:3

Is tríd‐sean do rinneadh an uile nidh, agus ’na éagmais‐sean ní dearnadh éinnidh d’á bhfuil ann.

Gníomhartha 14:15

ag liúghadh agus g‐á rádh, A dhaoine, créad do b’áil libh a leithéid sin do dhéanamh? Daoine go bhfuil an nádúir chéadna againn agus atá agaibh féin, is eadh sinne, agus atáimíd ag tabhairt deagh‐scéala dhaoibh, go gcaithfidh sibh iompódh ó na neithibh baotha sin chum Dé bhí, do chruthuigh neamh, agus talamh, agus muir, agus a bhfuil ionnta:

Gníomhartha 17:24

An Dia do‐rinne an domhan agus a bhfuil ann, ó’s é Tighearna neimhe agus talmhan é, ní chómhnuigheann sé i dteampallaibh do‐rinneadh le lámhaibh;

Rómhánaigh 4:17

(mar atá scríobhtha, Do‐rinneas athair d’á lán cineadh dhíot), i bhfiadhnaise an té ’n‐ar chreid sé, Dia, do‐bheir beatha do na marbhaibh, agus ghlaodhas ar na neithibh nach bhfuil ann fá mar bhéadh siad ann.

1 Corantaigh 2:7

acht labhraimíd eagna Dé ’n‐a diamhar‐rún do bhí fá cheilt, d’órduigh Dia chum ár nglóire roimh thosach an tsaoghail;

1 Tiomóid 4:5

óir beannuightear é tré bhriathar Dé agus tré urnaighe.

Eabhraigh 1:2

acht do labhair sé linne ins na laethaibh deireannacha so tré n‐a Mhac, do chinn sé mar oidhre ar a bhfuil ann, tré n‐ar chruthuigh sé an domhan, leis.

Eabhraigh 6:5

agus do bhlais deagh‐bhriathar Dé agus cumhacht an tsaoghail atá le teacht,

2 Peadar 3:5

Óir is é is toil leo a dhearmad, go raibh na spéartha ann fad ó, agus go raibh domhan ann do rinneadh le briathar Dé d’uisce agus tré uisce:

Apacailipsis (Taispeántadh) 4:11

g‐á rádh, Is fiú thú, a Thighearna agus a Dhia an ghlóir agus an onóir agus an chumhacht d’fhágháil: óir is tú do chruthuigh na h‐uile neithe, agus is ded’ thoil‐se atá siad ann, agus do cruthuigheadh iad.