1 Tiomóid 1:4 - Tiomna Nua 1951 (de Siúnta)

⁴ agus gan aire do thabhairt d’fhabhlaibh, ná do gheinealachaibh gan chríoch, ó n‐a bhfásann ceisteanna níos mó ’ná riaradh gnó Dé san gcreideamh.

An Tiomna Nua 1970 (Ó Cuinn)

⁴ ná a n-am a chur amú le finscéalta agus le craobhacha ginealaigh, is mó a chothaíos samhlaíocht ná cuireann siad i bhfeidhm smacht cráifeach creidimh Dé;

An Bíobla Naomhtha 1817 (Bedell)

⁴ Ná aire do thabhairt do chumadóireachd sgéul ná do sheanchusuibh neimhchríochnuighthe, noch bhrosduigheas ceasdanna, ní sa mhó na follamnughadh díagha tre chreideamh:

An Tiomna Nua agus Leabhar na Salm 2012

⁴ agus gan a bheith tugtha dʼfhabhalscéalta agus do ghinealaigh gan teorainn, mar gur nithe iad sin a chothaíonn conspóidí in ionad beartas Dé a chur chun cinn, beartas atá bunaithe ar chreideamh.

An Bíobla Naofa 1981

⁴ agus gan bheith tugtha d'fhabhalscéalta agus do ghinealaigh gan teorainn, mar gur nithe iad sin a chothaíonn conspóidí in ionad beartas Dé a chur chun cinn, beartas atá bunaithe ar chreideamh.

1 Tiomóid 1:4 Tagairtí Cros

2 Corantaigh 1:12

Óir is é fáth ár maoidhmheachais, fiadhnaise ár gcóinsiais, gur i naomhthacht agus i bhfíre i bhfiadhnaise Dé d’iomcharamar sinn féin san tsaoghal, ní h‐é i ngliocas colnaidhe, acht i ngrása Dé, ’n‐bhur dtaobh‐sa go mór.

Eifisigh 3:2

Cineadhacha — má’s fíor go gcualabhar cionnas mar cuireadh de dhualgas orm grása Dé do dháileadh oraibh;

1 Tiomóid 3:16

Agus gan déidearbhadh ar bith, is doimhin í rúindiamhair na diadhachta; an Té do foillsigheadh san bhfeoil, do fíréanuigheadh san Spiorad, go bhfaca aingle é, do craobhscaoileadh i measc na gCineadhach, gur creideadh ann san tsaoghal, gur tógadh suas é san nglóir.

1 Tiomóid 4:7

Acht seachain baoith‐scéalta saoghalta agus fabhla sean‐bhan.

1 Tiomóid 6:11

Acht, a dhuine le Dia, seachain‐se na neithe sin; agus lean de’n fhíréantacht, de’n diadhacht, de’n ghrádh, de’n fhoidhne, de’n cheannsacht.

1 Tiomóid 6:20

A Thimóteuis, coimheád a bhfuil curtha mar chúram ort, ag seachaint baoth‐chainnte neamh‐dhiadha, agus contrárdhachta an nidh go dtugtar eolas go bréagach air:

2 Tiomóid 2:14

Cuir na neithe seo i gcuimhin dóibh, g‐á fhógairt dóibh i bhfiadhnaise an Tighearna gan bheith ag aighneas fá fhoclaibh nach bhfuil aon tairbhe ionnta, acht chuireas amugha an dream chluineas iad.

2 Tiomóid 2:22

Acht seachain ainmhianta na h‐óige, agus lean de’n fhíréantacht, de’n chreideamh, de’n ghrádh, de’n tsíothcháin, i n‐éinfheacht leis na daoinibh ghlaodhas ar an Tighearna as croidhe úr‐ghlan.

2 Tiomóid 2:23

Acht diúltaigh do cheisteannaibh dith‐céillidhe, dith‐léigheanta, agus a fhios agat go mbrostuigheann siad bruighean.

2 Tiomóid 4:4

agus tionn‐tóchaidh siad a gcluasa ó’n gcreideamh, agus casfaidh siad chum fabhal.

Títeas 1:1

Pól, seirbhíseach Dé, agus abstal Íosa Críost, do réir creidimh muinntire toghtha Dé, agus do réir eolais na fírinne atá do réir crábhaibh,

Títeas 1:14

gan bheith ag tabhairt aire d’fhabhlaibh Iúdacha agus d’aitheantaibh daoine bheireas a gcúl leis an bhfírinne.

Títeas 3:9

acht seachain baoith‐cheisteanna, agus geinealaigh, agus aighneas, agus conspóidí i dtaobh an dlighe; óir atáid gan tairbhe, gan éifeacht.

Eabhraigh 13:9

Ná bidhidh d’bhur bhfuadach ag teagascaibh éagsamhla, aisteacha; óir is maith go gcothóchaidhe an croidhe le grása, ní le biadhaibh do bhí gan tairbhe ariamh do na daoinibh do ghnáthuigh iad.

2 Peadar 1:16

Óir ní finn‐scéalta fighte go cliste do leanamar nuair chuireamar i bhfios daoibh cumhacht agus teacht ár dTighearna Íosa Críost, acht is amhlaidh chonnacamar a mhórdhacht le n‐ár súilibh féin.