Seanfhocal 26:20 - An Bíobla Naofa 1981

²⁰ Cheal brosna téann an tine in éag; cheal cúlchainteora, téann aighneas chun suain.

An Bíobla Naomhtha 1817 (Bedell)

²⁰ A náit nach bí connadh ar bith, théid an teine as: marsin a náit nach bí an cogarnach, coisgidh an cheannairg.

Seanfhocal 26:20 Tagairtí Cros

Seanfhocal 16:28

Síolann an cealgaire aighneas, agus deighleann an béadánaí dlúthchairde óna chéile.

Seanfhocal 22:10

Tabhair bata is bóthar don scigire agus baileoidh an t‑aighneas leis, agus beidh deireadh le hachrann is le hachasán.

Seanfhocal 26:22

Is geall le sólais bhlasta focail an chúlchainteora, sleamhnaíonn siad síos isteach sa ghoile.

Léivític 19:16

Ná bí ag gabháil timpeall ag cúlchaint ar do mhuintir féin, agus ná téigh i bhfiontar le hanam do chomharsan. Mise an Tiarna.

Séamas 3:5

Níl sa teanga ach oiread ach ball beag, ach tá bearta móra á maíomh aici. Féach nach beag an lasair a chuireann foraois mhór trí thine!

Séamas 3:6

Lasair an teanga chomh maith; is domhan coirpeachta í an teanga i measc ár mball, agus í ag truailliú an choirp ar fad, ag cur cúrsa an tsaoil trí thine, agus ifreann á cur féin ar lasadh.