Íseáia 66:8 - An Bíobla Naofa 1981

⁸ Cé a chuala trácht ar a leithéid, cé a chonaic a leithéid riamh? An saolaítear tír in aon lá amháin, an dtugtar náisiún chun breithe d'aon uain amháin? Ach níor luaithe Síón ina luí seoil ná thug sí clann mhac ar an saol!

An Bíobla Naomhtha 1817 (Bedell)

⁸ Cía chúalaidh a leithéid sin do ní? cía chonnairc leithéid na neitheannso? An ttiubharthar air an ttalamh gineamhuin a náonló? nó an mbeirthear cineadh a naóinfheacht? óir comhlúath agus do sháothruigh Sion, thug sí á clann amach.

Íseáia 66:8 Tagairtí Cros

Íseáia 64:4

Cluas níor chuala ná súil ní fhaca dia ar bith ach tusa ag seasamh leis an té a chuir a mhuinín ann.

Irimia 18:13

“Dá bhrí sin - is mar seo a deir an Tiarna: Fiafraígí anois i measc na náisiún cé chuala a leithéid seo: Rinne maighdean Iosrael gníomh rófhuafar.

Gníomhartha 2:41

An méid díobh a ghlac lena theachtaireacht, baisteadh iad agus cuireadh tuairim is trí mhíle duine lena líon an lá sin.

Gníomhartha 21:20

Agus nuair a chuala siadsan an scéal, thug siad glóir do Dhia dá chionn. Ansin dúirt siad: “Feiceann tú féin, a bhráthair, a liacht míle duine de na Giúdaigh a bhfuil an creideamh glactha acu agus atá siad go léir dúthrachtach don dlí.

Gníomhartha 4:4

Mórán dá raibh ag éisteacht leis an teachtaireacht, áfach, chreid siad, agus bhí tuairim is cúig mhíle fear acu ann.

1 Corantaigh 2:9

Mar atá scríofa: “Nithe nach bhfaca súil iad agus nár chuala cluas iad, nithe nár smaoinigh an duine orthu ina aigne, is iad atá ullamh ag Dia dóibh siúd a bheir grá dó.”