Gníomhartha 9:8 - An Bíobla Naofa 1981

⁸ D'éirigh Sól den talamh, ach nuair a d'oscail sé na súile ní raibh aon léas radhairc aige. Rug siad ar láimh air agus sheol isteach sa chathair é.

An Tiomna Nua 1970 (Ó Cuinn)

⁸ Dʼéirigh Sáúl den talamh; agus nuair a osclaíodh a shúile, níor fhéad sé ní ar bith a fheiceáil; mar sin treoraíodh isteach chun na Damaisce é ar ghreim láimhe.

Na Ceithre Soiscéil agus Gníomhartha na n-Abstal 1943 (Pádraig Mac Giolla Cheara

⁸ Agus d’éirigh Saul de’n talamh, agus nuair a d’fhoscail sé a shúla, ní fhaca sé rud ar bith. Acht rug siad-san greim ar a lámha, agus threoruigh siad isteach chun na Damaisce é.

Tiomna Nua 1951 (de Siúnta)

⁸ Agus d’éirigh Saul de’n talamh; agus nuair d’fhoscail sé a shúile, ní fhaca sé rud ar bith; agus rugadar ar láimh air agus threoruigheadar isteach i nDamascus é.

An Bíobla Naomhtha 1817 (Bedell)

⁸ Agus do éiridh Sául don talamh; ar nosgladh a shúl dó, ní fhacaidh sé éinneach: agus ag breith dhóibhsion ar láimh air, do thréoraigheadar go Damáscus é.

Na Cheithre Soisgéil agus Gníoṁartha na n-Aspol 1915 1921 (Peadar Ua Laoghaire)

⁸ Agus d’éirigh Saul de’n talamh agus d’osgail sé a shúile ach ní fheacaidh sé aon nídh. Agus do rugadar ar lámh air agus do sheoladar isteach i nDamascus é.

Gníomhartha 9:8 Tagairtí Cros

Geineasas 14:15

D'ionsaigh sé féin is a shearbhóntaí iad i gcoim na hoíche agus chuir an teitheadh orthu go Hóbá lastuaidh de Dhamaisc.

Geineasas 19:11

Agus an mhuintir a bhí ag an doras, bhaineadar radharc na súl díobh go léir idir óg agus aosta i dtreo gur theip orthu an doras a aimsiú.

Eaxodus 4:11

“Ce chruthaigh béal an duine?” arsa an Tiarna leis, “cé dhéanann balbh é nó bodhar nó radharcach nó dall? Nach mise, an Tiarna?

Gníomhartha 13:11

Féach, tá lámh an Tiarna anois ort: beidh tú dall agus ní fheicfidh tú an ghrian go dtí an uair atá ceaptha aige.” Ar an mball tháinig scamall dorcha anuas air agus thosaigh sé ag dul timpeall ag lorg daoine a dhéanfadh giollaíocht air.

Gníomhartha 22:11

Bhí gile an tsolais úd tar éis mé a dhalladh agus rug mo chomrádaithe ar láimh orm agus tháinig mé isteach i nDamaisc.

Gníomhartha 9:18

Agus de phreib thit mar a bheadh screamh dá shúile agus tháinig a radharc arís dó; agus ar éirí dó ina sheasamh, baisteadh é.

Gníomhartha 9:9

Agus bhí sé ar feadh trí lá gan radharc agus gan greim ná bolgam a bhlas.

2 Corantaigh 11:32

i nDamaisc dom bhí ceannfort rí Aratas ag faire na cathrach chun mé a ghabháil;

Galataigh 1:17

ná ní dheachaigh mé suas go Iarúsailéim ag triall ar na daoine a bhí ina n‑aspail romham, ach imeacht liom láithreach chun na hAráibe agus ar ais go Damaisc ina dhiaidh sin.