Gníomhartha 24:1 - An Bíobla Naofa 1981

¹ Tar éis cúig lá tháinig an t‑ardsagart Anainias anuas go Céasaráia, é féin agus cuid de na seanóirí agus abhcóide darbh ainm Teartullas agus thug siad faisnéis don ghobharnóir in aghaidh Phóil.

An Tiomna Nua 1970 (Ó Cuinn)

¹ Agus nuair a chuaigh cúig lá thart tháinig an t-ardsagart anuas é féin agus seanóirí áirithe agus duine darbh ainm Tertullus le labhairt thar a gceann. Chúisigh siad Pól os comhair an uachtaráin;

Na Ceithre Soiscéil agus Gníomhartha na n-Abstal 1943 (Pádraig Mac Giolla Cheara

¹ Agus i gcionn chúig lá tháinic uachtarán na sagart, Ananías, anuas, mar aon le cuid de na seanóirí, agus le h-óráididhe áirithe, darbh ainm Tertullus, agus chuaidh siad chuig an uachtarán i n-aghaidh Phóil.

Tiomna Nua 1951 (de Siúnta)

¹ Agus i gcionn cúig lá ’n‐a dhiaidh sin tháinig an t‐árd‐shagart Ananias anuas mar aon le cuid de na seanóiribh, agus le cainnteoir darbh ainm Tertullius; agus do chuireadar an chúis: gcoinnibh Phóil i dtuigsin do’n árd‐riaghlóir.

An Bíobla Naomhtha 1817 (Bedell)

¹ Agus a gcionn chúig lá na dhiáigh sin tháinig Ananias an tárdsagurt a núas maille ris na sinnsearuibh, agus ré Tertullus fear deagh labhartha áirighe, noch do fhoillsigh íad féin a bhfiadhnuisi a núachdaráin a naghuidh Phóil.

Na Cheithre Soisgéil agus Gníoṁartha na n-Aspol 1915 1921 (Peadar Ua Laoghaire)

¹ Ansan, i gcionn chúig lá, tháinig uachtarán na sagart, Ananías, anuas agur cuid de sna seanóiríbh, agur cainnteóir dár bh’ainim Tertullus, agus chuadar i láthair an ghobhernóra i gcoinnibh Phóil.

Gníomhartha 24:1 Tagairtí Cros

Salm 11:2

Féach na peacaigh ag teannadh an bhogha; táid ag gléasadh a saighead ar an tsreang, á gcaitheamh leis an bhfíréan sa dorchacht.

Íseáia 3:3

ceann feadhna, ceannasaí, comhairleoir, draoi agus ceard.

Gníomhartha 12:21

An lá a bhí ceaptha dó bhí Héaród cóirithe ina éide rí, shuigh sé faoi ar an suí breithimh agus thug óráid dóibh.

Gníomhartha 21:27

Bhí an seacht lá chóir a bheith críochnaithe nuair a chonaic na Giúdaigh ón Áise sa Teampall é. Thóg siad callán i measc an tslua go léir agus ghreamaigh siad Pól

Gníomhartha 23:2

Leis sin d'ordaigh Anainias, an t‑ardsagart, dóibh sin a bhí ina seasamh in aice leis Pól a bhualadh sa bhéal.

Gníomhartha 23:24

Agus bíodh beithígh iompair agaibh ar a gcuirfeadh sibh Pól agus é a thabhairt slán go dtí an Gobharnóir Féilix.”

Gníomhartha 23:30

Ach nuair a cuireadh in iúl dom go bhfuil comhcheilg déanta ina choinne, sheol mé chugatsa gan mhoill é agus d'ordaigh mé dá chúiseoirí a ngearán faoi a dhéanamh i do láthairse.”

Gníomhartha 23:33

Nuair a shroich siad Céasaráia, sheachaidh siad an litir don ghobharnóir agus thug Pól ar láimh dó chomh maith.

Gníomhartha 23:35

“Éistfidh mé leat ar ball nuair a bheidh lucht do chúisithe anseo.” Agus d'ordaigh sé é a chur faoi choimeád i bpréatóiriam Héaróid.

Gníomhartha 24:11

Is féidir duit a dheimhniú duit féin nach bhfuil ann ach dhá lá dhéag ó chuaigh mé suas go Iarúsailéim chun adhradh a dhéanamh,

Gníomhartha 24:2

Nuair a glaodh isteach ar Phól, thosaigh Teartullas á chiontú mar leanas: “A Fhéilix, ró-oirirc, an tsíocháin bhuan a chuir tú faoi réim dúinn agus na leasuithe atá tugtha isteach le barr críonnachta agat ar mhaithe lenár náisiún,

Gníomhartha 25:15

Fad a bhí mé in Iarúsailéim rinne na hardsagairt agus seanóirí na nGiúdach gearán liom ina thaobh agus d'iarr é a dhaoradh.

Gníomhartha 25:2

Rinne na hardsagairt agus ceannairí na nGiúdach a ngearán leis in aghaidh Phóil,

1 Corantaigh 2:1

I dtaca liomsa, a bhráithre, nuair a tháinig mé chugaibh, níor tháinig mé ag fógairt [rúndiamhair] Dé le hardnós cainte ná eagna.

1 Corantaigh 2:4

Agus ní ar bhriathra mealltacha na heagna daonna a bhí mo scéal agus m'fhógra ag brath ach ar fhoilsiú an Spioraid agus na cumhachta,