2 Peadar 1:14 - An Bíobla Naofa 1981

¹⁴ mar go bhfuil a fhios agam nach fada uaim go gcuirfidh mé díom an bhoth seo faoi mar a nocht ár dTiarna Íosa Críost dom.

An Tiomna Nua 1970 (Ó Cuinn)

¹⁴ ó tá a fhios agam nach fada go gcuire mé an corp seo díom, mar atá nochta dom ag ár dTiarna Íosa Críost.

Tiomna Nua 1951 (de Siúnta)

¹⁴ agus a fhios agam gur gairid dom an t‐am ’n‐a scarfad leis an mboith seo agam, fá mar tá foillsighthe ag ár Slánuightheoir Íosa Críost dom.

An Bíobla Naomhtha 1817 (Bedell)

¹⁴ Ar mbeith a fheasa agum gur fogas damh ám sgáoilte mo bhoithe, amhuil fós do thaísbéin ar Dtíghearna Iósa Críosd dhamh.

An Tiomna Nua agus Leabhar na Salm 2012

¹⁴ mar go bhfuil a fhios agam nach fada uaim go gcuirfidh mé díom an bhoth seo faoi mar a nocht ár dTiarna Íosa Críost dom.

2 Peadar 1:14 Tagairtí Cros

Íseáia 38:12

Tá m'áit chónaithe bainte dhíom, tá sí stoite ar nós an phubaill a bhíonn ag aoirí; mar a dhéanfadh fíodóir, tá mo shaol cornta suas agat, agus tú ar tí an uige a ghearradh. Ó mhaidin go faoithin tá tú do mo thabhairt chun críche,

Eoin 13:36

Dúirt Síomón Peadar leis: “A Thiarna, cá bhfuil tú ag dul?” D'fhreagair Íosa é: “Mar a bhfuilimse ag dul, ní féidir duitse mé a leanúint anois, ach leanfaidh tú mé níos déanaí.”

Gníomhartha 20:25

“Tá a fhios agam anois nach bhfeicfidh sibhse mo ghnúis níos mó, sibhse go léir ar shiúil mé in bhur measc ag fógairt na ríochta.

2 Corantaigh 5:1

Tá a fhios againn nuair a leagtar ar lár an bhoth seo ina gcónaímid ar talamh, go bhfuil áitreabh le fáil ó Dhia againn sna flaithis, teach cónaithe síoraí nár tógadh le lámha daoine.

Deotranaimí 31:14

Dúirt an Tiarna le Maois: “Féach, tá an t‑am ag druidim leat nuair a chaithfidh tú bás a fháil; glaoigh ar Iósua agus tagaigí i láthair i mBoth na Teagmhála go dtuga mé a threoracha dó.” Tháinig Maois agus Iósua i láthair i mBoth na Teagmhála.

2 Tiomóid 4:6

I dtaca liom féin de, táim do mo dhoirteadh amach cheana féin mar a bheadh deoch íobartha agus tá uair na scarúna buailte liom.

Iósua 23:14

“Ní foláir domsa anois bealach na cré go léir a ghabháil. Déanadh gach mac máthar díbh a admháil ó chroí agus ó anam, nár theip ar oiread agus gealltanas de na gealltanais go léir a thug an Tiarna bhur nDia in bhur dtaobh; comhlíonadh iad go léir, gan ceann a theip.

2 Peadar 1:13

Is dóigh liom gur chóir dom, fad táim i mboth seo an choirp, a bheith do bhur múscailt le rabhadh,