2 Corantaigh 13:2 - An Bíobla Naofa 1981

² Thug mé foláireamh cheana dóibh sin a rinne peaca roimh ré agus don chuid eile go léir; agus tugaim foláireamh dóibh anois agus mé as láthair, faoi mar a rinne agus mé i láthair don dara huair, nach ndéanfaidh mé trua ar bith daoibh má thagaim arís -

An Tiomna Nua 1970 (Ó Cuinn)

² Thug mé rabhadh ní hamháin don dream a rinne an peaca roimhe ach don iomlán agaibh, agus tugaim rabhadh dóibh agus mé as láthair anois, mar a thug mé an rabhadh eile lena mbéal ar mo dhara cuairt, á rá nach mbeidh trua ná trócaire agam dóibh—

Tiomna Nua 1951 (de Siúnta)

² Adubhras libh cheana nuair bhíos láithreach an dara h‐uair, agus anois, ar mbeith as láthair dom, fógraim do na daoinibh do rinne peacadh, agus do na daoinibh eile, má thagaim arís, nach ndéanfad truagh dhaoibh;

An Bíobla Naomhtha 1817 (Bedell)

² Do réumhráidh mé, agus réúmhráidhim, an dara huair, amhuil as do bhéinn bhur látháir; agus ar mbeith dhamh as bhir lathair sgríobhuim a nois chum na druinge do pheacuidh roimhe so, agus chum na coda eile uile, dá dtigidh mé a rís, ní choigeólad sibh:

An Tiomna Nua agus Leabhar na Salm 2012

² Thug mé foláireamh cheana dóibh sin a rinne peaca roimh ré agus don chuid eile go léir; agus tugaim foláireamh dóibh anois agus mé as láthair, faoi mar a rinne agus mé i láthair don dara huair, nach ndéanfaidh mé trua ar bith daoibh má thagaim arís–

2 Corantaigh 13:2 Tagairtí Cros

1 Corantaigh 5:5

an duine sin a thabhairt suas do Shátan lena chorp a mhilleadh i dtreo go dtiocfadh a anam slán lá úd an Tiarna.

2 Corantaigh 1:23

Dearbhaím daoibh ar m'anam i bhfianaise Dé gur d'fhonn gan goilliúint oraibh a d'fhan mé gan teacht go dtí Corant go fóill.

2 Corantaigh 12:14

Seo anois an tríú huair dom a bheith réidh chun teacht chugaibh. Ach ní chuirfidh mé aon chostas oraibh mar ní hé bhur gcuid atá uaim ach sibh féin. Tar éis an tsaoil níl d'fhiacha ar leanaí stór a chur i dtaisce dá dtuismitheoirí ach is ar na tuismitheoirí atá sé d'fhiacha stór a chur i dtaisce dá gclann.

2 Corantaigh 13:10

Is é fáth a bhfuilim á scríobh seo chugaibh agus mé i bhfad uaibh, i dtreo nuair a thiocfaidh mé ar an láthair nach gá dom an déine a oibriú oraibh de réir an údaráis a bhronn an Tiarna orm, údarás chun sibh a thógáil in áit sibh a leagan ar lár.