Eifisigh 3 - Tiomna Nua 1951 (de Siúnta)

¹ Ar an adhbhar sin, mise Pól, príosúnach Íosa Críost ar bhur son‐sa,

² Cineadhacha — má’s fíor go gcualabhar cionnas mar cuireadh de dhualgas orm grása Dé do dháileadh oraibh;

³ cionnas mar foillsigheadh an rúindiamhair tré thaisbeánadh dhom, mar scríobhas cheana go h‐aithghearr,

⁴ ó n‐a bhféadann sibh, g‐á léigheamh dhaoibh, m’eolas ar ruindiamhair Chríost do thuigsin;

⁵ nár foillsigheadh do chlannaibh daonna ins na h‐aoisibh eile, fá mar tá sé foillsighthe anois d’á naomh‐abstalaibh agus d’á naomh‐fháidhibh tríd an Spiorad:

⁶ is é sin go bhfuil na Cineadhacha ’n‐a gcómh‐oidhribh, agus ’n‐a gcómhpháirtidhthibh san ngeallamhain atá i nÍosa Críost tríd an soiscéal, go ndearnadh seirbhíseach díom‐sa dhe,

⁷ do réir bronntanais grása Dé tugadh dhom tré bhrigh a chumhachta.

⁸ Dámh‐sa, atá níos lugha ’ná an té is lugha de na naomhaibh go léir, tugadh an grása so, chum saidhbhreas do‐chuarduighthe Chríost do sheanmorú do na Cineadhachaibh;

⁹ agus a chur i dtuigsin cionnas mar dáileadh an rúindiamhair do bhí fá cheilt leis na ciantaibh i nDia do chruthuigh gach uile nidh;

¹⁰ chum go ndéanfaidhe il‐eolas Dé soiléir tríd an eaglais do na h‐uachtaránaibh agus do na cumhachtaibh ins na h‐áiteannaibh neamhdha,

¹¹ do réir a raibh ceaptha aige leis na ciantaibh i nÍosa Críost ár dTighearna:

¹² tré n‐a bhfuil dánaidheacht agus slighe againn chum teacht chuige de bharr ár gcreidimh ann.

¹³ D’á bhrigh sin iarraim oraibh gan dul i laige mar gheall ar mo phiantaibh ar bhur son: is iad bhur nglóir iad.

¹⁴ Ar an adhbhar sin feacaim mo ghlúna roimh an Athair,

¹⁵ ó n‐a n‐ainmnightear gach cineadh d’á bhfuil ar neamh agus ar talamh,

¹⁶ chum go dtiubhraidh sé dhaoibh do réir saidhbhris a ghlóire, bheith neartuighthe go bríoghmhar tríd a Spiorad san anam istigh;

¹⁷ chum go ndéanaidh Críost cómhnaidhe ’n‐bhur gcroidheachaibh tré chreideamh: ar mhodh, ar mbeith dhaoibh fréamhuighthe agus bunuighthe i ngrádh,

¹⁸ go mbéidh ar chumas daoibh, i n‐éinfheacht leis na naomhaibh uile, a thuigsin cad é a leithead,

¹⁹ agus a fhaide, agus a dhoimhneacht, agus grádh Chríost, sháruigheas gach eolas, d’aithint, chum go líonfar le lán‐líonmhaireacht Dé sibh.

²⁰ Anois, do’n té go bhfuil ar chumas dó i bhfad níos mó do dhéanamh ’ná thig linn a iarraidh nó a shamhlú, do réir na cumhachta atá ag oibriú ionainn,

²¹ dó san go raibh an ghlóir san eaglais agus i nÍosa Críost, ó aois go h‐aois, go saoghal na saoghal. Amen.